Popular Bible Verses from मत्ती 6

Share

सोउब से पहिले तोहरेमन परमेश्‍वर केर राइज आउर उकर इच्छा लेखे धारमिक जिंदगी जियेक सिखा तो इ सोउब चीज हों तोहरेमन के भेटाय जाई।

से लगिन काइल केर बारे में चिंता ना करा, काले कि काइल अपन चिंता खुद हें काइर लेवी। आइज लगिन आइज हें केर दुःख ढेइर अहे।”

“से लगिन मोंय तोहरेमन से कहाथों कि इ दुनिया में अपन जीउ लगिन इ चिंता ना करबा कि हमरे का खाब, आउर का पियब, आउर ना अपन काया लगिन कि का पिंधब। का जीउ खाएक केर चीजमन से आउर काया पिंधेक केर लुगा से बाइढ़ के नखे?

मगर जब तोहरेमन प्रार्थना करबा तो कोठरी में जबा आउर दुरा ढाँइप के परमेश्‍वर तोहर आबा से जे नी दिसेला प्रार्थना करबा, तब तोहर परमेश्‍वर आबा जे लूइक के प्रार्थना करेक के देखेला तोहरेमन के इनाम देवी।

से लगिन तोहरेमन इ लेखे प्रार्थना करबा: हे परमेश्‍वर हमरे केर आबा, तोंय जे स्वरग में अहिस। तोर नाँव पवितर मानल जाओक। तोर राइज आवोक, तोर इच्छा जइसन स्वरग राइज में पूरा होवेला, तइसनेहें दुनिया में हों पूरा होवोक।

हमरे के रोज दिन ओतनेहें रोटी दे, जेतना हमरे के उ दिन लगिन जरुरत अहे।

आउर हमरे केर पापमन के क्षमा कर, जइसन हमरे हों जेमन हमर बिरोध में पाप काइर हैं उमन के क्षमा काइर ही।

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

अगर तोहरेमन आदमीमन केर पाप के क्षमा करबा तो परमेश्‍वर तोहरे केर आबा जे स्वरग में रहेला तोहरे केर पाप के हों क्षमा करी।

आकाश केर चरईमन के देखा, उमन ना तो बुनैना, ना काटैना आउर ना रसवा में ठुरायना, सेकरो में परमेश्‍वर तोहर स्वरगीय आबा उमन के खियायला। तोहरेमन तो जरूर हें उ चरईमन से हों बगरा किमती अहा।

दुनिया में अपन लगिन धन जमा ना करा, जहाँ घून खायना आउर चिती लगेला, आउर चोरमन घर केर भीत के टोका काइर के चोराय लेवैना। लेकिन तोहरेमन भला काम काइर के स्वरग में अपन लगिन धन जमा करा, हूवाँ ना तो घून खायना आउर ना चिती लगेला, आउर ना तो चोरमन घर केर भीत के टोका काइर के चोरायना। काले कि जहाँ तोहर धन अहे, हुवाँय तोहर मन हों सोउब बेरा लगल रही।

केऊवे आदमी एके बेरा में दूई गो मालिक केर सेवा करेक नी पारी। उ चाहे तो एगो से बैर आउर दोसर से प्रेम करी, चाहे एगो के माइन करी आउर दोसर के तुच्छ करी। एहे नियर तोहरेमन एके बेरा में परमेश्‍वर आउर धन दुयो केर सेवा नी करेक पारबा।

से लगिन अगर परमेश्‍वर डाँड़ केर घास के जे आइज अहे आउर काइल आइग में साजल जाई, उके एइसन लुगा पिंधायला, तो तोहरेमन के हों उ जरूर पिंधाई, तोहर बिसवास काले एतना थोर अहे?

मगर जब तोहरेमन गरीब आदमीमन के दान देबा तो केऊ दोसर आदमी ना जानोक कि तोंय केखो दान देई हिस। होले तोर दान देवेक केर काम लुकल रही तब तोर आबा जे लूइक के दान देवेक के हों देखेला, तोहरेमन के इनाम देवी।

यीशु फिन आगे कहलक, सावधान रहा! तोहरेमन आदमीमन के देखाएक लगिन भला काममन के ना करबा, निहीं तो तोहर स्वरगीय आबा तोहरेमन के कोनों इनाम नी देवी।

जब तोहरेमन उपास करबा, तो ढोंगी आदमीमन नियर तोहर चेहरा के उदास ना करबा काले कि उमन अपन चेहरा के उदास काइर के आदमीमन के देखाएक खोजैना कि हमरे उपास कराथी। मोंय तोहरेमन से सच कहाथों कि उमन अपन इनाम एहे जुग में पाय लेलैं। मगर जब तोहरेमन उपास करबा तो अपन मूँड़ में तेल लगाबा आउर मुँह धोबा। होले आदमीमन तोहर उपास के ना जानोक मगर परमेश्‍वर तोहर आबा जे नी दिसेला उके देखोक, इ लेखे तोहर आबा जे लूइक के उपास करेक के देखेला, तोहरेमन के इनाम देवी।