Popular Bible Verses from Yohana 14

Share

Kindamba niwalekela; kindamba kyangu niwapela: nakuya umu ndima upela, nenga niwapela mwenga. Mwoyo winu usiyambanika, haka woga usikita.

Yesu anjowela, Nenga niyii ndila, ni fya chakaka, ni kulama: pa waka mundu anchila Dadi, lema pa nenga.

Musiyambanika mwoyo: munkela Mulungu, munikele nenga kawili.

Leka Wakuyimalila, Roho Mbalafu, yula Dadi yampeleke pa lihina lyangu, yuyulayula yawayigalise mwenga fyoha, ni yawakumbukise fyoha fila nikajowiti kwa mwenga.

Uyu ayii ni mimbi syangu, ni kusigoha, yuyu ayii wakunigana nenga: leka wakunigana nenga yanganike nu Dadi wangu, na nenga yaningane, ni yaniyilase kwake.

Na nenga yaninkote Dadi, na yawapele Wakuyimalila yungi, nausi aye pamonga nu mwenga miaka ni miaka, yuyu Roho wa chakaka: yuyu ndima nakuhotola kunjupa; ndawa undolalela lepa, haka kumbalalila: mwenga mumbalalila; pakuya ahwela pa mwenga, na yaaye mugati mwa mwenga.

Na kiyi kyoha yamuluwe pa lihina lyangu, kila yanikikite, nausi Dadi akwisike mugati mwa Mwana. Na wona yamuluwe kindu pa lihina lyangu, kila yanikikite.

Wona munigana nenga, yamugohe mimbi syangu.

Mu nyumba mwa Dadi wangu payii pakuhwela pingi; wona wila lepa, nganitawili mwenga; pakuya nibita kuwikila ngani mwenga pandu.

Na wona nibita kuwikila ngani mwenga pandu, nihicha kawili, ni yanitole mwenga kwangu; nausi apa niyii nenga, na mwenga muye baho.

Tomaso anjowela, Bambo, timanya lepa uko ubita; timanya wuli ndila?