Popular Bible Verses from Lukas 10

Share

Ingka padamo awaꞌangkoomu kuasa so mefindaꞌiꞌaoꞌomu ule bhe sabhaha kaꞌuhi kobisa. Awaꞌangkoomu dua kapooli so tumaloꞌaoꞌomu kuasano kaewamiu sampe paise bhe so kobalaaꞌano ne wutomiu.

Tamaka Ompu tanotobhoosimo ambano, “Marta, Marta, hintu ini nomihi lalomu bhe fekasabha wutomu ne sabhaha giu. Ingka ampamo sehonda maraluuꞌano. Maria nopilimo metaaꞌano, maka paise damalae mie bhaindo.”

Ambano mie anaꞌa, “Moasiane Ompu Lahataꞌalamu sampuu-mpuuno lalomu, sampuu-mpuuno alusumu, sampuu-mpuuno kaꞌosamu, sampuu-mpuuno fekihimu, bhe moasianda mie bhaimu peda kaasimu ne wutomu.”

Nopugaumo ambano, “Pehapi so netobhe daanumo nobhahi, tamaka kumahadhaano dendai. Dadiꞌanomo mesaloomu ne kokaampono naꞌa, naetudu mie dakumala datumobhe.

⸤ Pada aitu Yesus nofeenamo ne pande Kitabi maitu ambano,⸥ “Weo fekihimu, laꞌae bhahaa ne olotando mie totoluno naꞌa membalino mie bhaino so mie neꞌawando karampasi saꞌituinia?” Ambano pande Kitabi naꞌa, “Mie motiwohaane kabhelano lalo.” Ambano toha Yesus, “Kalamo, habumo dua nada naꞌa!”

Kalamoomu, atudukoomu ini tapedamo anano dhumba monaleno damesua ne wunta-wuntano daꞌu ngkahoku.