Popular Bible Verses from Lukas 6

Share

Waꞌanda mie bhaimu maka Lahataꞌala namaꞌangko dua, meꞌawa kaganta bhalano nefohuka bhe neꞌendu ampa napondawuti dasumungkaangkoe ne awimu. Kapaꞌamo kaganta nepakemu mbali mie bhaimu namaꞌangkoe dua Lahataꞌala so wutomu.”

Mie metaa nefolimba metaaꞌano nomaiꞌao ne kampebuniꞌano lalono metaaꞌano; mie modai nefolimba modaiꞌano. Kapaꞌamo tibhokaꞌano ne wiwi nolua nomaiꞌao weo totono lalo.”

Tamaka hintimiu, moasianda kaewamu, habu metaa ne andoa. Fofoada tamaka koe posahunaꞌao sumuli umawae, maka meꞌawa ponambo bhahi. Hintimiu membaliomu anaꞌino Lahataꞌala foliuno kuasa, kapaꞌamo Lahataꞌala netaa dua lalono ne mie tapa mepandeꞌaono katumpuno lalo bhe mie modai.

Mobhelaanda lalo mie bhaimu pedamo dua Amamu nofomobhelaꞌao lalo.”

“Koise bhitahaki mie bhaimu, keana dua nobhitahakiko Lahataꞌala. Koise hukumu mie bhaimu, keana dua nohukumuko Lahataꞌala. Amponida mie bhaimu maka naꞌumamponiko dua Lahataꞌala.

“Ampamo kaowu hintimiu metingke kanau itu, amohatokoomu, moasianda kaewamu, habu metaa ne mie bansiko, mesaloomu kabarakati so mie bhatataꞌiangko, sambaheaꞌandaomu mie meꞌawutiko.

Bhahi-bhahiꞌae kapoindalomu so nehabundo mie bhaimu ne hintu, habue dua ne mie bhaimu.

Ane dotofa bhagamu, fodoliane dua bhagamu sewetano. Ane doala bhetamu waꞌanda dua bhe bhadhumu. Ane bhe mie nokonisalo ne hintu, waꞌanda. Ane fehebuaꞌamu doalaemo mie bhaimu, koise suli mesaloe.

“Sau metaa pae bhe kapoolia nakobhakeꞌao modaiꞌano, pedamo dua anaꞌa sau tapa metaaꞌano pae bhe kapoolia nakobhakeꞌao metaaꞌano.

Sepuꞌu-sepuꞌu sau dopandeꞌaane ne bhakeno. Ingka bhakeno wohaꞌa miina daꞌumutae ne kahoku kokihi, tawa bhakeno angguru daꞌumutae ne daha-daha.