Popular Bible Verses from Sun 19

Share

Naran a Iesu ilev' naui haau lera ivr ti a, “!Ithiris dau!” Sarei, ptn iaul. Laha, itum'alet a m'im'iln kadam'a.

Sarei, a Iesu irndu ti ihiris a parian udlani, laha ivr ti a, “Kana nrn navak.” Ivr si lera a ti sei Paivul ivri ipama katu hin.

Naran a Iesu ilei a unian m'a m'ertuan iamk la hin ilap'as ani ha, ivr an a unian kavr ti a, “Tav'et, palei a natm ra.” Sarei, ivr a m'ertuan lera kavr ti a, “Palei, a uniam ra.” Itudina hin naran lera a ti m'ertuan lera ilav'i ima kalak al nmahan.

V'eti naran avrama asn a Iesu kavla ti itam'a sarei, ahavrpus tln. V'eti m'rnur iamk asnr iva tv'eliel na kln a Iesu a namas. Iv'amk m'a ti din m'a nauei ima aut.

Sena ti avan si lera a ti sei Paivul ivri ipama katu hin kavr ti a, “Akavrpus sun ki ikamk.” Paivul ivri ml arna nut uraur kavr ti a, “Apavp'a M'ertu la atvvei ha.”

Kaua su lamu nen kadav'a a nut iamk, avr ti nahan iv'i Su Pt Natei. Arna v'nenar m'ertu a Isrel avr ti iv'i Kulkuta.

Laha, m'rnur avlev' lu makau kavv'ati ima kanep'a manu a mlin kavtaui arna ptn, kavtu klus m'ielm't aranan.