Popular Bible Verses from Luk 18

Share

Laha, isran v'nen asnr kav'iv'en a ti m'ertu apavtu tamat nakl pr, amavrn np'r ani.

?Kvv'ah ti Atua ikamhmah a m'ertuan itv'li sarar, la avv'ara ani ren m'a lihat ha? Atua nln ip'arei asnr m'ertuan. Nvr a kam'i, ipamhmah anr ipalahml. ?V'eti naran Kana, nv'i Net M'ertu, p'ama, kvv'ah ti p'epasla m'ertu ipav'ah Kana arna nadep'?”

Laha, ivr ti a, “Sei m'ertu ahavrndu ti apavani, Atua irndu ti ipani.”

Iter ip'arei dav'a iarn ti ipamhmah ani, sarei iv'hv'ahuri a nln kavr ti a, ‘Kana nadedrn an Atua, nav'ah m'ertu. V'eti tvtanu lera itp' kana iel, sena si lera p'emhmah ani. Imahei ti ipama dav'a dav'a ti p'ern np'k ani ipastudau.’ ”

Nvrdaui, nvr a kam'i, ipavr ti m'ertu ialev' v'anuan Atua kanep'a mardel pa, ikahv'a arna v'anuan Atua naran kinkin.”

V'eti a Iesu iv'ara anr a ti apavrama asnn kavr ti a, “Pavm'ahu a ti mardel papa apavrama asnk, mavvrkarr, sena ti v'anuan Atua iv'i nkar m'ertu avnap'ar.

A Iesu ivr ani, kavr ti a, “Hilaha m'atam ip'as ml. V'ahienam iani ti kp'as ml.”

A Iesu ivrprani, kavr ti a, “Inap'i hin kvr ti Kana np'as? M'ertu kinkin iahamk ip'as, v'eti Atua iamk uaki.