Popular Bible Verses from TĨĨGI WERE 32

Share

Bloon kal wiigi ɓe ga : Ɗúu ɓo gahãy la? Á kal ga : Jakobe.

De maga á wo koge ga á ẽg se mono, á raw maʼge ɓe ti nen sage, nen sag Jakob raw naage de maga saara de leʼ degũ mono.

Á hoo ra, de fẽẽre maga hay doo ɓe mo ɓuy kal cegaɗ bii yuurin wo go de ɓaara ɓuy.

Jakob kal wii jag ɓe ga : Ndi kam ndo kaŋ ɗúu ɓo me ɗala. Á kal fer wããre ne hẽn ga : Ndo wii ɗúu ɓi gahãyla? Day á kal kaŋ bosaʼ ne hẽn ti ni.

Á kal gwaʼge de see ɓe tawa. Doo kay no no jobo kal age leʼ degũ de ɓe hãã saara tee ngel go de jag toŋ.

Bloon day ga : men me go ndi raw werga ngel le go de maŋge. Jakob day ga ndi men ndo rawge bay kaŋ bosaʼ me ti gà.

Bloon fer pa ga : Jakob joŋ ge diŋ ɗúu ɓo gà so, ama ga Israyel, werga ndo leʼ degũ de Baa, de jar téebeere wo lay, day ndo naa blum.

Jakob ga : Baa mani pan ɓi Abraham no, Baa mani pan ɓi Isag no, Manwur maga wii me ga : Fer ɓi sir ɓo, ti ɓaŋ mani ɓo no, ndi joŋ mo yaŋ de el mono!

Wur hay le go naage maŋ so, de maga á cegaɗ Penuwel mono. Jakob hay jeŋeɗge sage.

Á wãã de ɓil ɓe ga : Hayga Esaw yiŋ jar ma ti ngel ma de lagge ma boŋn wo we no, ma boŋ ma lan daŋ yaŋ lay.

Ndi pẽẽ go klee debaŋ see ɓil de el wo de bay ndarge gog maga ndo joŋ ra see wejõõ ɓon mo deŋ no, werga ndi hay cegaɗ maarog Jurdẽẽ wo la diŋ de graw doo, patala ndi de car ɓil taɗ taɗ ɓoge.