Popular Bible Verses from Liike 17

Share

Ɛ́ Yiezu ɛ́ khie bie lɛ́ à ǹ nɛ làa: «Siɛ hĩ̀ní, kɔ́ dɛ̀ ɛ́ lan, kɔ̀ ńdɛsìnlɔ́ ɛ́ fueniɛ kɔ̀ ǹ.»

Kɛ́ á wɔ́ kɔ bɔ̀koohɔ́ àá kɔ yìe cɛ̀rìɛɛ wu-cóoní hũn, kɛ́ á wóò khũ̀á ɓén ɛ̀ ɓen bie lɛ́ kɔ̀ ǹ nɛ mí bòo yàá, ɛ̀ kɔ̀ dé sɛ́wɛ́rí ɛ̀ lɛ́ à ǹ.»

Ɛ́ hɔ́ lɛ ɛ́ ɓɛ́ ɛ̀ húi ɛ̀ ɓɛ̀ wan, ɛ́ wìcóoní peɓɛ̀ tĩ́ihṹ, ɛ́ khie khũ̀a kã́a Yiezu kɛ́ á bénkɛ ɛ́ Dɔfĩn yèrè ɓàanínin. Á ɓɛrɛ ɓen ɓúrɛsí lé sṹsùnù Yiezu híɛhɔ́ à dɔ́ piè bɛrikɛ. À nùún sɔ hàarí ɛ́ lé Samari.

Ɛ́ mí pɛ́ míte bòo. Kɛ́ mì zuú ɛ́ wɔ́ bɔ̀koohɔ́, ɛ̀ kɔ̀ wã̀aní-ɛ. Kɛ́ á tɛ̀ dũnɛ nɛ mí wɔ́ bɔ̀koohɔ́, à nɛ mí yá bĩní wé hɔ́, ɛ̀ dé sɛ́wɛ́rí lɛ́ à ǹ.

Ɛ́ Yiezu wo zɔn nɛ làa: «Ɓɛ̀pe ɓèríe pírú sɔ ɓɛ́kùi ɛ́ yí wɛ? Ɛ́ ɓɛ́ káani sí kɛ́ ɛ́ wi àá yí?

Ɛ́ Ɲunsɔ ɛ́ zɔn kɔ̃́niɛ ɓɛ̀ nɛ làa: «Kɛ́ mí hṹn dàa ńdɛsìnlɔ́, hɛ̀rí kɛ́ hɔ́ kɛ fĩi kɛ̀a ńpièhĩ́ biì bòo sí, ɛ́ mí dɛ̀ wóo bie ɛ́ lɛ́ lé vɛ̃̀hṹ lɛ ɓà ńmà ǹ nɛ: “Bùí kɔ́te ɛ̀ khíi vɛ zɔ fɛ́sí dìń hɔ́ ɲun-bɛhɔ́ hũn!” Ɛ́ lé lò ɛ́ wé hɔ́.

Àlɛ kɛ́ á nɛ mii fuení mí mɛkɛ̃nì ǹ á ɓén vĩ́iní lé, àlɛ kɛ́ á tɛ̀ vĩ́iniɛ mí mɛkɛ̃nì á ɓén yí lé.

Ɛ́ Yiezu ɛ́ khie ɛ́ khɛ́ àá mí kɛ̀ránzɛ̀ɓɛ̀ ɛ́ nɛ làa: «Hɔ̀ bòo lɛ wóò súuní ɓɛ́ nìnbirìe ɛ̀ ɓɛ̀ dàá khe Dɔfĩn wṹn ɛ́ pe wóo ɓén wé fúu. Kɛ́ nìnbírɔ lɛ temu wóò lɛ́ ɛ́ hɔ́ dàa wé ɛ́ pe yìi ɓén mi hɔ. Kɛ́ ɓɛ́ hṹn can niihṹ dɛ̀bɛhɔ́ ɓàasɔ fɔnù ǹ ɛ́ mɔ̀ tɛ́ dɔ́ ɲun-bɛhɔ́ hũn, ɛ̀ hɔ̀ pɛ́ bòo ɛ́ hṹn tṹ piè viì, ɛ́ pɔ hɔ bòo lɛ ɛ́ ɓén wí-è ǹ, lɛ kɛ́ á dàa lɛ́ ɛ́ ɓɛ́pe zĩncãahɛ̃ lɛ ádɔ̀ ɛ́ khɔn Dɔfĩn wṹn.

À nìnbírɔ Zuú khũ̀á ɓenlɔ́ yìi hũn, ɛ̀ hɔ̀ bòo lɛ hàarí wɔ́ á Nowe pɛ̃̀hṹ hũn ɓà ńmaà, ɛ́ ɓiɛ̀ ɓén bĩní wé. Ɓɛ̀ nìnbirìe hàarí ɛ́ dí kɛ́ ɓɛ́ ɛ́ ɲu, ɛ̀ ɓɛ̀ báa àá ɓɛ́ hã́a ɛ́ hàarí ɛ́ yɛ ɓán fúu ɛ́ van dɛ̃un lè wurù lɛ á Nowe dàa yòó zɔn lè wiè dɛ̀bɛhɔ́ hũn. Ɛ́ hɔ́ hɔ́-bɛhɔ́ ɛ́ ɓɛrɛ tɔ̀ tɔ̀ ɛ́ ɓɔ́ ɓɛ́ ɓɛ́kùi.