Popular Bible Verses from Marike 14

Share

À ɛ́ bie ɛ́ nɛ làa: «Abba, Yàá, kɔ́ dɛ̀ bòo míkùi ɛ́ wóò wé; ɛ́ lépe lɔ̀nbiè ɲuǹlán dìɛ lɛ ɛ́ kɔ́ khɛ̃̀ún viɛní ɛ̀ kɔ̀ kɛ́ mi. Kɛ́ hɔ́ míkùi hũn, ɛ́ ńpe niǹ tĩì bòo ɛ̀ bí wé, kɛ́ kɔ́pe kɔ̀ hɔ́n ɛ̀ temu wé.»

Mì piɛní mí yìe ɛ̀ mì hɛ̃un Dɔfĩn bòo lɛ ɛ́ wé kɛ́ Sitũanɛ ɛ́ ɓen mii hàaní miɛ, à bí yí miɛ ǹ wɛ̀. À nìnbírɔ mɛkɛ̃nì ɛ́ pe wo wɛ ɛ́ mii wé hɔ́ bɔ̀tente, kɛ́ piè tɛkɛ̀a ɛ́ temu pànkɛ́ mí wɛ̀.»

Ɛ́ nin bie hɔ lɛ́ miɛ ǹ àá bɔ̀bín nɛ viì yée viì lɛ ɛ́ lé Bentĩnu ɛ́ wóo ɓén vɛ buie hũn lè dímíɲɛ́ míkùi hũn, ápe hṹnu sɔ lɛ bòo lɛ á wɔ́ ɛ́ ɓiɛ̀ ɛ́ wóo ɓén liení ɛ́ yí ɛ́ bie.»

Á zɔn bie lɛ́ ɓà ǹ nɛ làa: «Niǹ tĩì ɛ́ hɛ̀ yáa cɛ̃̀un, niǹ húmú ɛ́ wo dɛ̃un. Ɛ́ mí dìń hũ̀nún ɛ̀ mì piɛní mí yìe.»

Ɛ́ bòo lɛ ɛ́ ɓɛ́ ɛ́ dí, ɛ́ Yiezu ɛ́ mɔ̀ hɔ̀ búrú, à dɔ́ Dɔfĩn bɛrikɛ à yòó ɓùenkɛa hɔ̀ ɛ́ khie lɛ́ mí kɛ̀ránzɛ̀ɓɛ̀ ǹ à bie lɛ́ ɓà ǹ ɛ́ nɛ làa: «Mì fé ɛ̀ mì lɛ̀, hɔ̀pe lɛ iè niǹ tɛkɛà.»

À bĩniɛ khie mɔ̀ lè ɲuǹlán dìɛ lɛ ɛ́ divɛ̃n ɛ́ wi hũn, à sĩ̀n dɔ́ Dɔfĩn bɛrikɛ à khie lɛ́ lé ɓà ǹ ɛ́ ɓɛ́pe ɓɛ́kùi ɛ́ ɲunkɛ. À bie lɛ́ ɓà ǹ nɛ làa: «Hɔ̀pe lɛ iè niǹ cãani, hɔ̀ Dɔfĩn ɲɛbíi cãani lɛ kóosí ɓɛ́ nìnbí-kuì yènsénín.

Ɛ́ Yiezu ɛ́ zɔn bie lɛ́ mí kɛ̀ránzɛ̀ɓɛ̀ ǹ ɛ́ nɛ làa: «Mìpe mìkùi ɛ́ ɓén fùansí mi ǹ iè hɔ̀ lɛ ɛ́ hɔ́ wɛ̃́ lé Dɔfĩn bienù vɛ̃hṹ hũn ɛ́ nɛ làa: “Ń ɓén lí-é pisierɔ ǹ ɛ́ ɓé, ɛ́ ɓɛ́ pirie ɛ́ zè ɛ́ saakɛ.”»

Mì síɛ hĩ́ní nɛ ke lan! Àlɛ ɛ́ mii dé mi peɓɛ̀ núnú hũn ɛ́ ɓɛrɛ dɛ̃un!»

Ɛ́ Yiezu ɛ́ zɔn bie lɛ́ à ǹ nɛ làa: «Nin bie hɔ lɛ́ kɔ ǹ àá bɔ̀bín nɛ hɔpe zoòni sṹnúhṹn lɛ, á kɔ̀ɓíɛ ɛ́ yá ɓén wírí yìehɛ̃̀ ɲu, hɔ́rɔsí ɛ̀ kɔ̀ pɛ̃́ yìehɛ̃̀ tĩ nɛ kɔ́ yí dũ mi wɛ̀.»