Popular Bible Verses from Marike 6

Share

Ɛ́ ɓɛ́ nìnbirìe lɛ ɛ́ ɓenkɛ kɛ́ ɓɛ́ ɛ́ lankɛ ɛ́ hɛ̀ buò buò ɛ́ lɛ́ ɛ́ Yiezu àá mí kɛ̀ránzɛ̀ɓɛ̀ ɛ́ yá ɓɛ́ díe ɛ̀ dí yínin wɛ̀. Ɛ́ sí iè hɔ̀pe ɛ́ Yiezu dàa bie lɛ́ mí kɛ̀ránzɛ̀ɓɛ̀ ǹ ɛ́ nɛ làa: «Mì ɓen nɛ ke vɛ le viì lɛ ɛ́ nìnbirìe ɛ́ mí hũn, ɛ̀ mì vɛ yí vũùní bìcínbóo.»

Ɛ́ Yiezu ɛ́ zɔn bie lɛ́ ɓà ǹ ɛ́ nɛ làa: «Dɔfĩn bɔ̀háanírɔ ɛ́ ɓɛ́ wóò ɓàanínin viì míkùi kɛ́ ɓà kùrú lóo hũn àá ɓà nìɛ tĩ́ihṹ àá ɓà zũnù hũn iè pe ɛ́ ɓɛ́ yìe ɛ́ yáà tí-e hũn wɛ̀.»

Bòo lɛ ɛ́ Yiezu ɛ́ zɔn lɔ́ lé ɲumu wiè hũn ɛ́ síɛ, á mɔn ɓɛ̀ nìnbí-dũmu, ɛ́ peɓɛ̀ miinɛ̀ ɛ́ yòó ɓaa ɔ̀ iè hɔ̀ lɛ ɛ́ ɓɛ́ kɛ kɛ̀a pirìe lɛ sierɔ mí wɛ̀. Á khie ɛ́ ɓɛ̀ kɛ̀rán àá bòo bɔ̀kuì.

Ɛ́ Yiezu ɛ́ yí dàń yéréké bòo dɔ̀ ɛ́ yí wé yán, kɛ́ ɓɛ́ ɓen yí ɓɛ́ dɔriè bìɛ yiɛní dɔ̀ lɛ á bɔ̀kɛ mí níhĩ́ lɔ̀n ɛ́ wiɛníkɛa ɛ́ ɓen bòo mí. Ɛ́ ɓɛ́pe ɓà lóo nìɛ ńbídɛsĩ̀nlɔ́ ɛ́ hɛ̀ yòokɛa piè lɔ̀n. Ɛ́ Yiezu ɛ́ wo khie ɛ́ bɔ̀ hɔ̀ lóoniɛ̀ ǹ ɛ́ ɓɛ̀ nìnbirìe ɛ̀ kɛ̀rán àá Dɔfĩn bienù.

Ɛ́ Yiezu ɛ́ khie fɔ́ hɔ́ búrú hùanú àá ɓɛ́ ciè bìɛ ɲu sɔ, à hooniɛ mí yìe yòoniɛ àá hɔ́ hóohũn, à dɔ́ Dɔfĩn bɛrikɛ à ɓùenkɛa hɔ́ búrú ɛ́ lɛ́ mí kɛ̀ránzɛ̀ɓɛ̀ ǹ nɛ ɓɛ sankɛ ɛ̀ lɛ́ ɓɛ́ nìnbirìe ǹ. À lò ɛ́ sankɛa ɓɛ̀pe ciè bìɛ ɲu ɛ́ lɛ́ ɓɛ́pe nìnbirìe ǹ ɓɛ́kùi. Ɛ́ ɓɛ́pe ɓɛ́kùi ɛ́ dú tù. Ɛ̀ hɔ̀ búrú ɲúnkṹuhɛ̃ àá ɓɛ́ ciè lɛ kɛ́ ɛ́ khuie tíiniɛ sìkíe pírú àá bɔ̀nbɔ̀ ɲu.