Popular Bible Verses from Májiye 19

Share

Yesu n'áheeliniin abe n'aaniin: —Bondu bijaaŋajaaŋo kúŋgowulan ku, bare Atambatun áyinooni káhinu dóonodoon fe.

Hahiyu it'iŋki káyemi bákasuba, bare afeeneŋ taŋ. Náami an atum'áwaajinoor doon d'Atambatun ágiiloole.

Yesu n'aaniin: —Eeman kereŋ arijaŋgajaŋga bonde ti *Míkiñjin mu? Meenaan: «H'Atambatun ajabe hu káwuwan dóonodoon fe, n'áhiniin ániine n'anaare.» Abe Atambatun n'asooñ aane: «Iŋ'ite ho h'ániine aja fu kanuutu ti faafo n'íñaayo, eeja keekin n'anaar'o, kéeyemi halan hifeeneŋ taŋ.»

Yesu n'aaniin: —Ariwas biñi bu keebin t'íñje! Atum'aribatikaniin, ábuki bakan naane boko kakino fu *Jáyi jite Atambatun.

Bare keehooje ti keeemo ku hahiye étiyar i, boko bibin káyemi eraan i, abe keeemo ku hahiye eraan i ni káyemi étiyar i.

Bakan ifi kawas sunuuf sooniin, man yooŋ bakatiiin, bákaniiniin, sifaafiin, síñaayiin, bakañiiin, ni kitaaŋaat kooniin uŋu húuma hu, boko kabaju buroon bondu kireeŋ téemeer, abe n'iŋi kawunee yooŋ buroŋ béehabanaariit bu.

Yesu n'aano: —Af'á̱maŋi kakuuru but, a̱ja a̱joohen buroon b'a̱baje bu fe, abe n'á̱sik sírirem su a̱wun keebajut ku. Af'á̱hin ii, n'aŋ'a̱baj t'etiir ebaj. A̱haban, n'aŋ'a̱bin á̱aseinam ti hiñaawu.

Yesu n'aano: —Iŋi naŋ n'á̱kandijenam fu ti meejake mu? Atambatun taŋ ajake fu. Af'á̱maŋi buyooso tu buroŋ béehabanaariit bu, á̱hin naane suluwa su susoke i.

Iisokuun yooŋ bonde: éŋgelem áyinooni fíya buyooso t'efulu yite kaakiiku? Mayet fu! Bare buyooso bite an eebaje ti Jáyi jite Atambatun bihaŋe kátaañi.

Íñje isok fee n'aruun: an af'ahoor anaar'o t'ajokutee n'ániine, abe n'asa ake, áhina kaahoofoor.

Náami Yesu eeene eriboora yeene: —Iisokuun bifeeneŋ bu: buyooso bite ti Jáyi jite Atambatun bítaañataañi faa t'an eebaje.