Popular Bible Verses from Dioni 15

Share

Niri waini kope mandana ayo loma lalore, Nimiri palaanu mandana aemeae. Ali apimi ni para aliandare niri nipu rapu ara kili waru ma-elalua. Nimimi ni rapu na-alimindare nimimi epe auri ora komenda pape-na-ya, lisaya.

Nimiri ni para alepape. Gupuma nemere nimi para alua. Monde palaa mendare rupara na-kimbumaliandare go eiri nipunale kili elape-na-deapare palaa menda rupara kimbumaliandare gore kili epe rupa edea. Go eina nimi pange ni para na-alimindare nimina kili na-edea, lisaya.

Nimiri ni para arare na angelenu loayo einu kone sia arare nimina kone pea rupa konge demendare ora milimiae.

Niri nimimi na-memepare nimiri neme yarepe muma meawa. Nimiri pua ande suala pea nape ede ei minyayanda meainya laloae, loma gurupa. Nimimi na Apa para alenda menda na bi lala ara konge demendare nipumi ora gilia, lisaya.

Ali mendame nipuna amenu rambameala ara nipuna endoaya eiri alu paliandare gore gurupa pumi yarame komoma kone siala auri mendame angulape-na-ya loma lisaya.

Na palaanu menda para kili na-edeandare na Apa nipumi poma rumbiliandare mo mendane palaanuri kili edeandare wamo pulame komea komealo rungulu rumbepe pilia. Gupiliaparare na Apame ma-epeainyalomare kili epe rupa andapu edea, lisaya.

Na rudule angele sialo eiri gurupae. Neme nimi para na pumi kone sialo rupa nimimi pange pumi raname komoma kone sialolo pualepape, loma lisaya.

Nimimi kili waru eleme eimiri na Apana bi andaai minyasiademeae. Gupimi eimiri nimiri na kou nane raluae alinu alimiae, lisaya.

Yesumi lalore, Niri ande ora waini kope mandana ayoae. Gurupa na Apare mo waini kope e Reali mandanae, lisaya.

Ali apimi ni para na-aliandare nipuri monde kapulea kope palaame andelea. Gupuma mo kapulea palaanuri mu mombema repana sula para lopaliandare repana para relea, lisaya.

Na raname komalo eiri nimi para siala ara nimina raname kome eiri rumbia pirinyayanda nimi para go angelenu laloae loma lisaya.

Nimimiri na Apana angele wi einu pangoma pumare nipuna pumi kone suma raname kome ei para aya rupa nimimi pange na angele wi einu pangoma pilimindare na pumi rana pi ei para alimiae, loma lisaya.

Go eina nimi para neme rudule angele sialo eiri gurupae. Niminale pumi yarame komalolo pula ara alepape, loma lisaya.

Nimiri go su au puaeme wenaali rapu raminyeke pa ala pameyalore mo wenaalimi gore naana anda repaa alinuae loma nimi para raname komola pameae. Gupula pemepare neme nimi yarepe muma rando mealiminya lalo einare nimimi mo suna au puaeme wenaali rapu na-aeme. Go peme eina nimi para yanda luaeme, lisaya.