Popular Bible Verses from Иоанн 15

Share

Мон винаумарькс, тынь тарадт. Кие эри-ашти Монь эйсэ, ды кинь эйсэ Мон эрян-аштян, се рашты ламо винаумарть, эдь Монтемень тыненк мезеяк а тееви.

Эрядо-аштеде Монь эйсэ, Монгак эрян-аштян тынк эйсэ. Кода тарадонтень сонстензэ а раштавить винаумарть, а аштиндеряй винаумарькс лангсо, истя тыненккак эсь пельденк мезеяк а тееви, а аштиндерятадо Монь эйсэ.

Бути эрятадо-аштетядо Монь эйсэ ды Монь валонгак эрить-аштить тынк эйсэ, сестэ вешеде, мезе меленк, ды карми улеме тенк.

Аволь тынь Монь кочкимизь, Мон тынк кочкидизь ды аравтыдизь молеме ды эмежень кандомо, истямо эмежень, кона зярдояк а ёми. Сестэ весе, мезе вештядо Тетянь пельде Монь лемсэ, Сон максы тенк.

Зярдо кияк путсы эрямонзо эсь ялганзо кисэ, теде покш вечкема арась.

Монь лангсто эрьва тарадонть, кона винаумарть а канды, Сон керясы. Эрьванть, кона канды винаумарть, ванськавтсы, седе ламо умарень кандомга.

Монь кармавтовксом истямо: вечкеде вейкенк-вейкенк эйсэ, кода Мон вечктядызь тынк.

Тень вельде невтеви Тетянь инексчизэ, кандындерятадо ламо эмежть ды улиндерятадо Монь тонавтницякс.

«Мон – алкуксонь винаумарьксан, Монь Тетям – винаумарень пирязоро.

Кие а эри-ашти Монь эйсэ, се тарад ладсо ули ёртозь ве ёнов ды коськи. Истят тарадтнэнь пурныть, кайсить толс, ды сынь палыть.

Весемень тень Мон ёвтыя тенк сень кисэ: Монь кенярксось улевель тынк эйсэ ды кенярксось пряс пештевлидизь тынк.

Топавтындерясынк Монь кармавтовксон, карматадо эрямо-аштеме Монь вечкемасо, кода Монгак топавтан Тетянь кармавтовксонзо ды эрян-аштян Сонзэ вечкемасо.

Вана тень кармавтан тенк: вечкеде вейкенк-вейкенк эйсэ».

Бути тынь улевлиде масторлангонть пельде, сестэ масторлангось вечкевлинзе эсензэтнень. Кода тынь аволь масторлангонть пельде, а вана Мон тынк кочкидизь масторлангсто, секс масторлангось а вечктядызь.