Popular Bible Verses from Yohana 6

Share

Yesu a sarən, “Hɨnə sɨzɨmte dɨ vədə myentə. Ma shi hake, myatə aa diyə ga gən, ma mgban mwake gɨɗi, wor-haɓye aa diyə ga gən.

Pitɨ Ɗəmɗəmtə nə dɨ vədə myentə, hara ka zaambe aa dɨ mba asə a ɗa, ləməgyee na boyownə kat dɨ haka Pitɨngɨn gərən, ləməgingɨn mgban a dɨ vədə myentə.

Ɓe hwunaa lyenə gəkɨlə sɨzɨmtɨ kwaame 'ye ɓa kɨɗə, ndɨka hwuna lyenə gə sɨzɨmtɨ myente kaaru-kaaru, wule sɨzɨmtɨngɨn nə hɨn Nze da Ɓwaara hɨn ɓa vəwnə. Nzəngɨn nə Həmɨnpwa Baatə a mwakan a vən gətə gə nda ɗaasə.”

Kanata Həmɨnpwa nə ite atɨ, ma mwakan gɨɗən, mangɨn ɓa ɗɨm myente kaaru-kaaru, hɨn mgban na maddən ka myentə a fərə kpawtɨ vɨratə.”

Yesu a sarən, “Lyente Həmɨnpwa a dɨ mwo nə yang, mwam ka ma nda lyanarən, gɨɗəmən.”

Ma kat Həmɨnpwa a vi, mangɨn ɓa shi hake, kat ma shi hake taa dɨ omrən.

Siman Bitrus a luwa a san atɨ, “Həmɨmiye, a haka wonə hin ɓa muɗə? Hyenə ka ləməgi myente kaaru-kaaru.

Hɨnə sɨzɨmtɨ myente janga dɨ vor pwa. Ma kana zɨm sɨzɨmtɨngɨn ndi ɓa ɗɨm myente kaaru-kaaru. Sɨzɨmtɨngɨn nə sɨshi, sɨtɨngɨn nə na vədə gə vɨratə kat a ɗɨm myentə.”

Taa ama də ɓa mba shitə a hake, anda aa Baagi a lyanari nə ɓa nggala mangɨn, hɨn mgban na maddən ka myentə a fərə kpawtɨ vɨratə.

Gəkɨlə sɨzɨmte Həmɨnpwa a dɨ vədən nə ma janga dɨ vor pwa dɨ vədə myentə a vor vɨratə.”

Hɨnə sɨzɨmte dɨ vədə myentə.

Yesu a luu goɓoryi buroditɨngɨn a ɗa Həmɨnpwa usəkətə, nda shea vədə mya ɓyana myee nza kat, nagi ndo ma a ɗɨm sa ɓa kənən, sə mgban nda ɓyana vaakingɨn. Ite ɓwaare a zɨmshe a mbəə kat, a hyaɓa, nda boyə lagbe dan atɨ, “Peyəmdə mosəryee mbiɗi, ɓe asə aa kɨɗə.”

Ite təna lyembərə a ɗa meltə mwaakɨn zə fwat a nə gərəngɨn, təna naa Yesu dɨ waya a nə gbɨnuwe dɨ jipatɨrən, kala a gərən kɨr-kɨr. Yesu a sarən atɨ, “Hɨnə. Ɓe kala aa gəwnə.”