Popular Bible Verses from Luka 6

Share

Hwun ta həmi, sə mgban mye ɓa həmə kəwnə. Mye ɓa kənəwnə ka sə-kənshe, nda naa pas ta kəji. Gə ka sə-kənshe hwuna dɨ kənə ɓwaare shee, ka wule sə-kənshingɨn mye ɓa kənəwnə.”

Ɓwaara feme kat nda dɨ dɨmadə ləmə fema nda kəpdən dɨ səɗə-yedi pepeye. Ma hase mgban nda dɨ dɨmadə ləmə hasa mgban nda kəpdən dɨ səɗə-yedi hashe dan. Gələ sa a vor hubo ɓwaara nə kwaamɨngɨn ɓawa boyo.

Mwom ji-nyaagəwnə, ɗamərən səfeme, vəmərən kiire, ɓe hwunaa bəə myensəwnə atɨ tən ɓa mɨnəwnədən, gə hwun ɓa ɗɨm moone kaɓa kpan, hwun ɓa gəə je da Həmɨnpwa nə ndi həmɨ gətə kat. Gə Həmɨnpwa a dɨ gwadə myee aawa ɗan usəkətə, kat ka mi hashe.

Ɗam purutɨ ɓwaare ɓətɨya Baagəwnə a dɨ ɗa purutə.

“Ɓe hwunaa ɓashidə imi, sə mgban myaa dɨ ɓashidəwnə. Ɓe hwunaa sa atɨ imi nə mi hashi, sə mgban myaa dɨ səwnə atɨ hwun mi hashi. Nggurəmə miye gə səhase darən, sə mgban mya nggurəwnəgə səhase dəwnə.

“Hɨnə dɨ səwnə hwun myee dɨ kɨlti, mwom ji-nyaagəwnə, ɗamə myee dɨ kworəwnə səfeme. Myee dɨ hiwdəwnə, nyisəmə Həmɨnpwa nda ɗarən pepetə. Myee dɨ ɗəwnə sɨmwarashe, hiwom gə le darən.

Sa hwuna dɨ mwo atɨ ɓwaare a ɗəwnə, zə ɗamərən sə.

Ma kana fɨlagu a bwakaa hiɗə, viriwdə bwakate mbiɗi vən. Ma kana lugu rukute, kpawa ɓarawte a voti vən. Ma nyisu se kat, vən səngɨn, na ama nggurgu se dəw, ɓe yə luwagən səngɨn.

“Taa ndəng kada pepeyə mbwosən ɓa gə ka kyanatə, kada hase mgban mbwosən aa dɨ ga wula.

Mya dɨ lee kada dɨ mbwosən. Myaa dɨ tawa mbwotɨ nggwale, naasə mgban mbwotɨ nenge dɨ sɨtɨ kada hwole.