Popular Bible Verses from Huwan 14

Share

“Kahusayan kang ipatayak sa kanyu. Kang kahusayan kang diman gid ipakaun sa kanyu. Kang magpakaun kahusayan sa kanyu balaw parihu sa paraan kalibutan. Danga kamu magkaaburidu sa kanyu tagipusuun ag danga kamu magkadala.

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Bag-u sinabi ni Hisus sa kay manga tuludluan magkun, “Danga magkaaburidu kamu sa kanyu tagipusuun. Magtiwala kamu sa Diyus, magtiwala diman waydi sa kangku.

Dapat suguun Ama ti Manug-awat ti Ispiritu ngani Banal sa kanyu sa manga napasakup sa kangku. Itudlu niya sa kanyu ti tanan pag manga bagay. Umawat siya sa kanyu hampay balaw malimtan niyu ti tanan manga itinudlu niku sa kanyu.

“Una hintay pag tawu nu tinanggap niya kang manga bilin bag-u kay tupadun, tunda yi ngani pag tawu tigmahal sa kangku. Mahalun diman niku Ama una hintay pag tawu nu magmahal sa kangku. Ag ipakilala niku kang sadili sa kanya.”

Humagad aku sa Ama bag-u pakan-an niya kamu tuhay pag Manug-awat hampay siya kanyu yi kaibahan hanggan waya aban. Tunda pag Manug-awat imaw yi ti Ispiritu tigtudlu katutuuhanan tungkul sa Diyus. Dayu mahimu makapasakup sa Ispiritu ti manga taga kalibutan, dahil unman mag-akitan nida siya, unman diman kanda nakilala. Dapat kamu duy nakakilala yi sa kanya, dahil siya kanyu yi kaibahan ag aban mangulian yi siya sa kanyu tagipusuun.

Una hintay kanyu hagadun sa kangku dahil kamu napasakup sa kangku, kang gid buwatun hampay ipaburayhaw niku ti kadayawan niku Ama. Nu paghagadun niyu una hintay sa kang ngaran, kang gid buwatun tunda.”

Sinabi ni Hisus magkun, “Nu pagmahalun gid niyu aku, tupadun waydi niyu kang manga ibinilin sa kanyu.

Sa balay niku Ama mayamu pag ulian. Umati aku hampay maghanda yi kanyu ulian. Unman mana itinultul niku inda sa kanyu nu abi balaw tutuu.

Nu aku makaati makahanda yi kanyu ulian, bag-u bumalik maan aku, kamu kang yi bul-un hampay minsan kamu sa kang ulian.

Sinabi ni Tumas magkun, “Panginuun, unman nimi alam nu naan tag kawu. Kabitay pag maalaman nimi ti dalan?”