Tempi it'imina ti je awo ka ijio'wa, ka yama'ayi pet. 'Esijyi ka amti'yi wekie'e, ja 'esie 'ni ikawo. Kia'awo po' napo 'yaka anechiyasas ti a kiajwe pet, siunapo 'yakawos pet ti ya'am ti tokis jika anechiyask'i'm yi' isiajwe. Jak je iyoyiji siuti awone 'ate, “Maj je t'o'ni”, yama'aja. Ni'ne ti awone 'ate, “Jomet”, kia'iyojliyi nama'aja ti ane. Ni'ne ti ajloyeje pi k'iejliyi, ijiatjliyi its'iuk'i'm, ilisanayi.
Jlam jnots'iniji'ni pa Jesús ti ipi'yayet'ipi ti kiak iyoyi, sekyi'i tejeyet'ipi ilia'm siupapo i'nio' jla'yis, iyone'ne 'ate:
—Ijiatk'i siunie jajwi'lase'm ti 'yakajlitieje ti 'napokayeta Israel jlele ka kia'iwo wata'a paka 'wi'in ka wo'ate siu'nie i'nio', ti ijiate jla'am ti jitienkiujnieye po', ijwienjliyi jla'am.