Popular Bible Verses from Mateo 10

Share

“¡'Yejne'n! Siuti ajloye jawoye'ate niwa 'wolepo' ti yi kiowe'e niwa k'iwajlas. Asosik enitiejyits'i'ni, niwonayi 'ate iyo ni injla, siu'neje ka aniwonayi 'ate niwa ojwos ti lajk'iyi pa ka ti'wenaja kanwo.

I'nio' ni initejna'm ni jiliaye, nak ja ijiatayi ti janetia'n; jlampet siunie ti je inite'en ka kiak iwo, nak jan'we'en jana ji'wasankiye ti t'o'n.

Ke ijnots'inayi napoka siunapo ti 'yijene pi iyone ka inetiajnat ni 'assie'n, 'yina siunie asak'al nak je 'yijene paka wone ka inetiajnat. Jla'm ijiatayi jla'am siunie ti 'yijene pi iyone ti initiajnat ni 'asie'n, siu'neje ni asak'al, nak jla'm ijiate jla'am ka ajoskiye. Jla'yi ka intateje nak siunie inlaye 'wet ti laj jlaja.

I'nio' ni je itijlia jana jika cruz, ka ina'm ijyik'i, je 'yu'we ka iwo jika'nionajak'i'm.

“Siuti japoye ni jawo'ate, ti janijwejla'm napo i'nio', “Ya'am ti akk'i pet ni Jesús”, ijiate kiak jayo'ojyi pet ti jajwijla'm ni Inia' ti yi' poliyi, ti jayo'ate, “Ijiate nak sa'yi pet”. Jlampet siunie ti ja ke injweye napo i'nio', ti janijwejla'm ti jawo'ate, “Pak je sitiant'ieje pa Jesús”, kiak iyoyeyinie'e pet ti jajwijla'm ni Inia' ti yi' poliyi, ti jayo'ate, “Nak siu'nie je sitiant'ieje”.

Jwajietajyi'n napo i'nio' je isis; ekiajlats'i pijia'm napo 'yajle'n; siunapo jiwatis jitio' po' kia'iyojliyi jalayi, siunie ki iyo ti wuj ti je 'es jitieyi'i ni Sinia' jla'yi napo i'nio'; nojwatak'i kisie'e siuniwa pini' yijits'i. 'Yina ti as'wajieta wek naka ti Sinia' iwi'nase'm lapakawo ti imp'elisina, ká awoye lajaye siuti kia'iyo jiwoyeyetaja naka.

Asa'm ijiate ti asja 'yaka'm ape'e niwak ajwejnas jilis niwa ajwel'ni, ijwil ka je injla'an siuniwa as'wole ti 'yijene pi iyone pa nojwa'm. Tempi it'imina ti kiak awo ti awo'ate, jweyitie.

“Ká ajwela ka inkama 'ni ajnat siuti ana'am. Je ana'am ka inkama napo i'nio', 'wenajliyi jla'am siunie jawo ti jantats'i wita'm.