Popular Bible Verses from ಯೊಹಾನ 13

Share

ಮಿ ತುಮೊನೆ ಯಕ್ಕ ನಯಿ ಆಗನ್ಯಾ ದ್ಯುಸ" ತುಮೆ ಯಕ್ಕನೆ ಯಕ್ಕ ಮಯಾ ಕರೊ. ಮಿ ತುಮೊನೆ ಕಿಮ್ಮ ಮಯಾ ಕರು ತುಮೆಬಿ ತಿನಾ ಲಿಂಗತ ಮಯಾ ಕರುಜ. ಯಕ್ಕೆಳೆ ತುಮೆ ಯಕ್ನಾ ಯಕ್ಕ ಮಯಾ ಕರ‍್ಯಾಮ, ತುಮೆ ಮಾರಾ ಶಿಷ್ಯಾ ವ್ಹೈ ಕವಾನು ಕ್ಹಾರಾವೊನೆ ಗ್ವತ್ತ ಥಾವಸ ಕೈನ ಕದ್ಯೊ.

ತಿನಾಹುತಿ ಪ್ರಭು ವರಿ ಗುರು ಥಯಲ ಮಿ ತುಮಾರಾ ಪಗೊ ಸೆವಕ ಲಿಂಗತ ಧ್ವಯೊಸ. ಕಾಕದ್ಯಾಮ ತುಮೆಬಿ ಬಿಜಾ಼ವೊನಾ ಪಗೊ ಧೌ. ಎ ಕಾಮೊನೆ ಮಿಜ಼ ಸಾಕ್ಷಿ ಥಯೊಸ. ಕಾಕದ್ಯಾಮ ಮಿ ತುಮೊನೆ ಕರಲ ತಿಮ್ಮಜ಼ ತುಮೆಬಿ ಬಿಜಾ಼ವೊನಾ ಕ್ಹಾತೆ ಕರು.

ಯೆಸು"ಹಮ್ನಾ ಮಿ ಸು ಕರಾಡ್ಯೊಸ ಕವಾನು ತುಮೊನೆ ಗ್ವತ್ತ ನತ್ತಿ. ತೆನೈಸೊ ಅಗು ತುನೆ ಗ್ವತ್ತ ಥಾವಸ" ಕೈನ ಉತ್ತರ ದಿದ್ಯೊ.

ಮಿ ತುಮೊನೆ ಕ್ಹರಿಜ ಕೌಸ. ಸೆವಕ ಮಾಲಕ್ತಿ ಮ್ಹೊಟೊ ನ್ಹವೈ. ತಿನಾಹುತಿ ಸಂದೆಶ ಹುತಿ ಆಯಲವಾಲೊ ಮೊಕ್ಲಲವಾಲಾತಿ ಮ್ಹೊಟೊ ನ್ಹವೈ.

ತುಮೆ ಎ ಸಂಗತಿಯೊ ತಿಳದಿಲಿನ ಇನಾಲಿಂಗತ ಚಾ಼ಲಿಲಿನ ಗಯಾಮ ಖುಶಿಕ್ಹು ರ‍್ಹವೊಸಿ.

ತ್ಯುನೆ ಅನ್ನ ಖಾತಾಮಾ ಯೆಸು ಉಟಿನ ತಿನು ಉಪ್ಪರಲ್ಯು ಅಂಗ್ಡು ಕಾಡಿನ ಮ್ಹೆಲ್ಯೊ; ವರಿ ಯಕ್ಕ ಟುವಾಲ ಲಿನ ತಿನಾ ಕಂಬರೆ ಭಾಂದಿಲಿದ್ಯೊ. ಪಾಚಲ್ತೊ ಯಕ್ಕ ತಾಂಬ್ಯಾಮಾ ಪಾನಿ ಭರ‍್ಯೊ. ಶಿಷ್ಯಾವೊನಾ ಪಗೊ ಧ್ವಯಿನ ತೆ ಭಾಂದಿಲಿದಲ ತೆ ಫೆರ್ಲಿದಲ ಟುವಾಲಕ್ಹು ತ್ಯುನಾ ಪಗೊ ನುಚ್ಯೊ.