Popular Bible Verses from LUKAS 10

Share

Pulakeneni! Ne onde mu pa oonkondo dhokulyata omayoka noondje nokusinda oonkondo adhihe dhaSatana, nokaku na shoka tashi mu etele oshiponga.

Omuwa okwe mu yamukula a ti: “Marta, Marta, ou na iimpwiyu oyindji nowa piyagana, ihe oshinima shimwe shi na oshilonga, osho shika: Maria okwi ihogololele ombinga ombwanawa itee yi kuthwa nando okulye.”

Oye okwa yamukula a ti: “ ‘Hola Omuwa Kalunga koye komutima gwoye aguhe nokomwenyo gwoye aguhe nokomadhiladhilo goye agehe nonoonkondo dhoye adhihe’; na: ‘Hola mukweni, ngaashi ngoye wi ihole mwene.’ ”

Oye okwe ya lombwele a ti: “Iilya oyi li po oyindji, ihe aalongi oyo aashona. Galikaneni ano mwene gwiilya, a tume aalongi keteyo lye.

Jesus okwa ti: “Ano pandunge dhoye oguni po gwaambaka yatatu a kala omukwawo gwaanguka a adhikile kaayugi?” Omunongompango okwa yamukula a ti: “Oye ngoka e mu sile ohenda.” Jesus okwa ti kuye: “Nangoye wo inda, u ka ninge ngaaka.”

Indeni! Ngame otandi mu tumu ongoonzi mokati komambungu.”