Popular Bible Verses from LUKAS 8

Share

Ndhoka dha gwile mevi ewanawa, odha fa aantu mboka taa uvu oohapu notaye dhi taamba nomwenyo omwaanawa gu na evuliko e taa dhiginine, sigo taa imike iiyimati.”

Ndhoka dha kunwa moongwena, odha fa aantu mboka taa uvu oohapu, ihe konima yethimbo iimpwiyu, uuyamba nuuhalu wopauyuni otayi thininike oohapu, kaaya imike iiyimati.

Ndhoka dha gwile poshipale, odha fa aantu mboka taa uvu oohapu e taye dhi taamba nenyanyu, ihe itadhi ningine muyo. Otaa itaale okathimbo kowala, ihe uuna taa adhika kemakelo, otaa etha eitaalo.

Oye nokwa ti kaalongwa: “Eitaalo lyeni oli li peni?” Ihe oya kumwa noya tila e taa pulathana: “Nguka olye ano, sho ta ganda ombepo nomakuthikuthi, oyo notayi vulika kuye?”

Ndhoka dha gwile mondjila, odha fa aantu mboka haa pulakene oohapu, ihe omuhindadhi ote ya e ta kutha mo oohapu ndhoka dha kunwa moomwenyo dhawo, opo yaa vule okwiitaala, ya hupithwe.

“Oshoka kaku na shoka sha holekwa itaashi ka hololwa, nokaku na shoka sha holama itaashi ka tseyika, shi ye puuyelele.”

Ano omukiintu sho a dhimbulula kutya ita vulu we okuholama, okwe ya nokwa tsu oongolo koshipala shaJesus, a tila ta kakama. Nena okwa lombwele Jesus montaneho yaantu ayehe kutya omolwashike e mu gumu nankene a aludhwa mbalambala. Jesus okwa ti kuye: “Mumwandje, eitaalo lyoye lye ku aludha. Inda nombili.”

Aalongwa oye ya kuJesus noye mu pendutha ya ti: “Omuwa, Omuwa, tatu sile mwee!” Opo Jesus okwa penduka nokwa ganda ombepo nomakuthikuthi, nokwa mwena kwa tya thilu.