Popular Bible Verses from ಲೂಕ 13

Share

ಯೇಸುನೆ ಜವಾಬ್‌ ದಿದೋಕಿ, ನ್ಹಾನ ಬಾಕಲ್‌ ವಾಟೆಕರಿ ಮಹಿ ಜಾ಼ವಾನ ಕೋಶಿಶ್‌ ಕರೊ, ಶನಕತೊ ಘಣು ಅದ್ಮಿ ಮಹಿ ಜಾ಼ವ್ಣುಕರಿ ಕರಸ್, ಕತೋಬಿ ಇವ್ಣೊ ಹಾತ್‌ ಕೋಹುಯುನಿ.

ಹಿಜ್ಜಾ಼ ಅಠಾರ ವರಖ್ಹ್‌ಥು ಭೂತ್‌ ಧರೀನ್, ಆಂಗ್‌ತನ್‌ಮ ರೋಗ್‌ ಥೂತೆ ಏಕ್‌ ತಯೇಡ ಥಿ. ಇನು ಢೋಪ್‌ರು ಝು಼ಕಿರ‍್ಹೂಥು ಅಜು಼ ಇನ ಜ಼ರಾಬಿ ಮುಡ್‌ಕ್ಯು ಉಪ್ಪರ್ ಪಾಡೀನ್, ಉಭು ಭೀರ‍್ಯಾವನ ಕೋ ಹೋತುಥೂನಿ. ಯೇಸುನೆ ಇನ ದೇಖಿನ್, ಖನ್ನೆ ಬುಲೈನ್ ಇನ, “ಬಾಯಿ, ತಾರ ರೋಗ್‌ಥಿ ತೂ ಛು಼ಟಿಗಿ!” ಕರಿ ಬೋಲಿನ್

ಇನಾಪರ್ ಇನೊ ಹಾತ್‌ ಮ್ಹೇಲ್ಯೊ, ಮ್ಹೇಲ್‌ತಾಸ್‌ನ ಯೋ ಉಭು ಭೀರಿಗೈ ಅಜು಼ ಇನೆ ದೇವ್ನ ಸ್ತುತಿ ಕರಿ.

ಹಮ್ಕೆ ಪಾಛ಼ಳ್ ಛಾ಼ತೆ ಅದ್ಮಿಖ್ಹಾರು, ತದೆ ಅಗಾಡಿ ರ‍್ಹಿಶೆ, ಅಜು಼ ಹಮ್ಕೆ ಅಗಾಡಿ ಛಾ಼ತೆ ಖ್ಹಾರು, ತದೆ ಪಾಛ಼ಳ್ ರ‍್ಹಿಶೆ” ಕರಿ ಬೋಲ್ಯೊ.

ಘರ್‌ನೊ ಯಜಮಾನ್ ಉಠೀನ್, ಬಾಕಲ್‌ ಮೂಚಾ಼ನ ಬಾದ್‌ಮ, ತುಮೆ ಭಾರ್‌ಭೀರಿನ್, ಬಾಕಲ್‌ಪರ್ ಮಾರಿನ್, ‘ಪ್ರಭು, ಮಹಿ ಆವಾನ ಬಾಕಲ್ ಕಾಡ್! ಕರಿ ಬೋಲ್‌ಶು”. ತದೆ ಯೋ, ತುಮೆ ಕಿಜ್ಜಾ಼ವಾಳ ಕರಿ ಮನ ಮಾಲುಮ್ ಕೊಯ್ನಿ! ಕರಿ ಜವಾಬ್‌ ದಿಶೆ.

ಇಮ್‌ ಕಾಹೆ! ಕರಿ ಮೇ ತುಮೂನ ಬೋಲುಸ್. ತುಮಾರು ಪಾಪ್ನ ಮ್ಹೇಲಿನ್ ನಾ ಫರ‍್ಯಾತೊ, ತುಮೆಖ್ಹಾರುಬಿ ಇಮ್ಮಸ್ ಮರ್‌ಶು” ಕರಿ ಬೋಲ್ಯೊ.

ತೋಬಿ ಯೋ ತುಮೂನ, “ತುಮೆ ಕೋಣ್‌ಕಿ, ಕಿಜ್ಜಾ಼ಥ ಐರ‍್ಹಾಸ್ಕಿ ಮನ ಮಾಲುಮ್ ಕೊಯ್ನಿ! ಹಜ್ಜಾಥೊ ಹಟಿಜಾ಼ವೊ, ತುಮೆ ಖ್ಹಾರು ಖರಾಬ್ ಅದ್ಮಿ! ಕರಿ ಬೋಲ್‌ಶೆ.

ಯೇಸುನೆ ಪುಛಾ಼ಯೋಕಿ, “ದೇವ್ನಿ ರಾಜ್ಯ ಕಿನೀನಿಮತ್‌ ಛಾ಼? ಇನ ಮೇ ಶನೇಥಿ ಏಕ್‌ಕರು? ಯೋ ರಾಯಿನ ದಾಣಾನಿ ಘೋಣಿ ಛಾ಼. ಏಕ್‌ ಅದ್ಮಿನೆ ಇನ ಲೀಜೈ಼ನ್ ಇನ ಖೇತರ್‌ಮ ಗಾಡ್ಯು. ತದೆ ಯೋ ಮೋಟುಹುಯಿನ್, ಝಾ಼ಡು ಹುಯು ಅಜು಼ ಆಬ್‍ಪರ್‌ ಉಡಾತೆ ಜಿನಾವರ್ ಖ್ಹಾರು ಆಯಿನ್, ಯೋ ಝಾ಼ಡಾನಿ ಡಾಳಿಯೆಪರ್ ಮ್ಹಾಳ ಭಾಂದಿಲಿದು.