Popular Bible Verses from ಲೂಕ 17

Share

ಅಜು಼ ಯೇಸುನೆ ಇನ, “ಉಪ್ಪರ್ ಉಠೀನ್, ಜಾ಼; ತಾರಿ ವಿಶ್ವಾಸ್‌ಥೀಸ್‌ ತುನ ಅಛ್ಛು಼ಕರ‍್ಯು” ಕರಿ ಬೋಲ್ಯೊ.

ಯೋ ದನ್ನ ಖ್ಹಾತ್ ಹಲ್ಲಾಬಿ ತುನ ಗಲತ್‍ಕರೀನ್ ಖ್ಹಾತ್‍ಹಲ್ಲಾಬಿ ತಾರಭಣಿ ಫರಿನ್, ‘ಮೇ ದಿಲ್‍ ದುಖೈಲೇವುಸ್, ಮನ ಕ್ಷಮಾಕರ್’ ಕರಿ ಬೋಲಿಲಿದೋತೊ ಇನ ಮಾಪ್‌ಕರ್‌ ಕರಿ ಬೋಲ್ಯೊ.

ಇವ್ಣಾಮ ಏಕ್‌ ಜ಼ಣು ಇನ ಅಛ್ಛು಼ ಹುಯೂತೆ ದೇಖಿನ್‌, ಚೋ಼ರ್ ಆವಾಜ಼್‌ಥಿ, ದೇವ್ನಿ ಖ್ಹರಾವ್ಣಿ ಕರ್ತುಹುಯಿನ್, ಪಾಛು಼ಫರಿ ಆಯು. ಯೋ ಯೇಸುನ ಗೋಡಾಪರ್ ಪಡೀನ್, ಇನ ಧನ್ಯವಾದ್ ಕರ‍್ಯು. ಯೋ ಸಮಾರ್ಯವಾಳೊ ಹುಯಿರ‍್ಹೋಥೊ.

ಇನಖ್ಹಾಜೇಸ್, ತುಮೆ ಕರಾತೆ ಬಾರೇಮ ಜ಼ತನ್ ರ‍್ಹವೊ! ತಾರೊ ಭೈ ಪಾಪ್ ಕರ‍್ಯೋತೊ, ಇನ ಗುರ್‌ಕಾವ್, ಏಕ್‌ ವೇಳ್ ಯೋ ಪಾಪ್ನ ಮ್ಹೇಲಿನ್ ಫರಿಗಯೋತೊ, ಇನ ಮಾಪ್‌ ಕರ್‌.

ತದೆ ಯೇಸುನೆ ಇನ, “ದಖ್ಹ್‌ ಜ಼ಣಾನ ಅಛ್ಛು಼ ಹುಯೂನಿ? ಬಿಜು಼ ನೌ ಜ಼ಣ ಕ್ಯಾ?” ಕರಿ ಪುಛಾ಼ಯೊ.

ತದೆ ಪ್ರಭುನೆ ಇವ್ಣುನ, “ರಾಯಿಯೆವ್ಡಿ ವಿಶ್ವಾಸ್‌ ತುಮೂನ ರ‍್ಹಯುತೊ, ತುಮೆ ಆ ಅಂಜೀರ್‌ನ ಝಾ಼ಡ್‌ಣ, ‘ಜ಼ಡ್‌ ಖ್ಹಮೇದ್ ಉಖ್‌ಡೈ ಜೈ಼ನ್‌, ದರ‍್ಯಾವ್‌ಮ ಗಡಿಜಾ಼!’ ಕರಿ ಬೋಲ್ಯಾತೋಬಿ, ಯೋ ತುಮಾರಿ ವಾತೇನ ಖ್ಹಮಜ಼್‌ಶೆ” ಕರಿ ಬೋಲ್ಯೊ.

ಕೋಣ್ ಇನೊ ಜಾನ್‌ ಬಚಾ಼ಡಿಲೇವ್ಣುಕರಿ ಕರಾಸ್ಕಿ ಯೋ ಇನ ಗುಮೈಲಿಶೆ; ಕತೋಬಿ ಕೋಣ್ ಇನೊ ಜಾನ್‌ ಗುಮೈಲೇಸ್ಕಿ ಯೋ ಇನ ಬಚಾ಼ಡಿಲಿಶೆ.

ಯೇಸುನೆ ಇನ ಶಿಷ್ಯರ್‌ನ ಬೋಲ್ಯೋಕಿ, “ಅದ್ಮಿನ ಪಾಪ್‌ಮ ಚ಼ಲಾವವಾಳು ರಾಛು಼ ಆವ್‌ಶೆಸ್‌ ಆವ್‌ಶೆ, ಕತೋಬಿ ಇಮ್‌ ಹುವ್ವಾನಿಘೋಣಿ ಕರಾಸ್ತೆ, ಯೋ ಅದ್ಮಿನಿ ಹಾಲ್ನ ಶಾತ್ ಬೋಲು! ಆ ನ್ಹಾನಾವ್‍ಮ ಏಕ್‌ ಜ಼ಣಾನ ಪಾಪ್‌ಮ ಚ಼ಲಾವಥೀಬಿ, ಇನ ಘಲೆಂಡ ಕೇಡೆ ಘಟ್ಟಿನ ಬಂಡಾನ ಭಂದೈಲೀನ್, ದರ‍್ಯಾವ್‌ಮ ನಖೈಲ್ಯವಾನೂಸ್ ಇನ ಅಛ್ಛು಼!

ನೋಹಾನ ದನ್ಮ ಚಾ಼ಲ್ಯುತೆ ಇಮ್ಮಸ್, ಅದ್ಮಿನೊ ಛಿಯ್ಯಾನ ದನ್‌ಮಾಬಿ ಚಾ಼ಲ್‌ಷೆ. ತಮಾಮ್‌ ಅದ್ಮಿ, ಖಾತು-ಪೀತು ಹುಯಿನ್, ವ್ಯಹಾ ಕರಿದೇತುಹುಯಿನ್‌, ವ್ಯಹಾ ಕರಿಲೇತುಹುಯಿನ್‌ ಥು. ನೋಹಾನೆ ಜ಼ಹಾಜ಼್‌ನ ಮಹಿ ಚ಼ಢ್ಯೋತೆ ದನ್‌ಮಾಬಿ ಇವ್ಣೆ ಇಮ್ಮಸ್ ಕರುಕರ್ತುಥು. ತದೆ ತೋಫಾನ್‌ ಆಯಿನ್, ತಮಾಮ್‌ ಅದ್ಮಿನ ಬರ್ಬಾತ್ ಕರಿನಾಖ್ಯು.