Popular Bible Verses from ಮಾರ್ಕ 11

Share

ಇನಾಖ್ಹಾಜೆಸ್ ಮೇ ತುಮೂನ ಬೋಲುಸ್ಕಿ: ತುಮೆ ಪ್ರಾರ್ಥನೆ ಕರಿನ್‌ ಶಾತ್ ಮಾಂಗೋಸ್‌ಕಿ ಯೋ ತುಮೂನ ಮಳೀರ‍್ಹುಸ್ ಕರಿ ನಂಬೊ, ತದೆ ತುಮೆ ಶಶ್ಶಾತ್ ಮಾಂಗಿಲಿದಾಕಿ ಯೋ ತುಮುನ ಮಳ್‌ಶೆ.

ಮೇ ತುಮುನ ಖ್ಹಾಚ ಬೋಲುಸ್, ಕೋಣ್‌ತೋಬಿ ಆ ಪಹಾಡ್‌ನ, ‘ತೂ ಉಖ್‌ಡೈ ಜೈ಼ನ್, ದರ‍್ಯಾವ್‌ಮ ಪಡ್’ ಕರಿ ಬೋಲಿನ್ ಇನ ದಿಲ್ಮ ಗುಮಾನಿ ಕರ‍್ಯೊಕೊಂತೆ, ಯೋ ಬೋಲ್ಯೊತೆ ಇಮ್ಮಸ್ ಉಷೆಕರಿ ನಂಬ್ಯೋತೊ, ಯೋ ಬೋಲ್ಯೊತೆ ಇಮ್ಮಸ್ ಇನ ಉಶೆ.

ಎತ್ರೇಸ್ ಕಾಹೆತೆ ತುಮೆ ಭೀರಿನ್‌ ಪ್ರಾರ್ಥನೆ ಕರಾನಿ ವಖ್ಹತ್‌ಮ, ತುಮೂನ ಕಿನಾಪರ್‌ಬಿ ಶಾತ್‌ತೋಬಿ ದಾವೊ ರ‍್ಹಯೂತೊ ಇನ ಮಾಪ್‌ ಕರೊ, ತದೆ ಪರಲೋಕ್‍ಮ ಛಾ಼ತೆ ತುಮಾರೊ ಬಾಬಿ ಜಿನು ತುಮೆ ಕರ‍್ಯಾತೆ ಗಲ್ತಿನ ಮಾಪ್‌ ಕರಿನಾಕ್‌ಶೆ” ಕರಿ ಬೋಲ್ಯೊ.

ತದೆ ಯೇಸುನೆ ಇವ್ಣುನ ಫರೈನ್ ಬೋಲ್ಯೋಕಿ, “ದೇವ್‌ಪರ್‌ ವಿಶ್ವಾಸ್‌ ರ‍್ಹವಾದೆ.

ಅಜು಼ ಯೇಸುನೆ ದೇವ್ನಿ ವಚನ್ನ ಬೋಲಿ ದೇತೊಹುಯಿನ್, “ದೇವ್ನೆ ಬೋಲ್ಯೊತೆ ಇಮ್‌, ‘ಮಾರಿ ಮಂದಿರ್‌ ಖ್ಹಾರ ಜಾ಼ತ್‌ವಾಳ ಅದ್ಮಿನ ಪ್ರಾರ್ಥನೆನು ಘರ್ ಕರಿ ಬೋಲೈಲೀಶೆ’ ಕರಿ ಲೀಖೈರ‍್ಹೂಸ್‌ನಿ? ಕತೋಬಿ ತುಮೆ ಅನ ಚೋ಼ರ್‌ನಿ ಘವಿ ಬಣೈರಾಖ್ಯಾಸ್!” ಕರಿ ಬೋಲ್ಯೊ.

ಯೇಸುನ ಖ್ಹಾಮ್ಣೆಬಿ ಪೀಠೆಬಿ ಒಳಿಜಾ಼ತುಥೂತೆ ಅದ್ಮಿಖ್ಹಾರು ಚಿಕ್ರಾಣ್ ಮ್ಹೇಲ್ತುಹುಯಿನ್, “ಹೊಸನ್ನ! ಪ್ರಭು ದೇವ್ನ ನಾಮ್‌ಪರ್‌ ಆವಾಳಾನ ದೇವ್ ಆಶೀರ್ವಾದ್‌ ಕರಾದೆ!

ಅಪ್ಣೊ ಬಾ ಹುಯಿರ‍್ಹೋತೆ ದಾವೀದ್‌ನಿ ರಾಜ್ಯ ಆವ್‌ಶೆ, ದೇವ್ ಇನ ಆಶೀರ್ವಾದ್‌ ಕರಾದೆ. ಉಪ್ಪರ್‌ಲ್ಯ ಲೋಕಾಮ ಛಾ಼ತೆ ದೇವ್ನ ಧನ್ಯವಾದ್ ಹುವಾದೆ!” ಕರಿ ಬೋಲ್ಯು.