Popular Bible Verses from Luku 13

Share

“Nambame nyakama langilyo: Endakali longome lome kaita tambukinatae dokonya kolandamana lao pitaminopa kapa kolandala naeyatamina, nyakamame lekeleke tao lome kaita tambukinatae dokonya kolandalapape.

Dokopa enda mende imambu koo mendeme ee kana 18 pitaka maita pongeamosa kapa pao etao tolapenge nanjiamopa petenge doko lotuu andaka dokonya petea. Peteamo doko Jisasame kandatala epena lea. Ipateamopa baa lamaiyoo, “Enda, emba maita pongotae katenge doko tolasetekelyamona, emba mokao nyepae pilyinona” lea.

Dopa latala baanya kingi dolapo enda doko-kisa seteamopa, baanya maita doko tolalu pia. Dopa peteamopa enda dokome Gote kenge andake maiya.

Salapape! Endakali mendapu maita-kaita kalyamino dupa tanga enomba nyoo katatami. Endakali mendapu enomba nyoo kalyamino dupa tanga maita-kaita katatamina” lea.

Anda tange doko sakatatala kaita pai latatamopa, nyakama kamaka katapala, tee pyao anda kaita doko gata-gata lao, ‘Kamongo, Kamongo, naimanya anda kaita lumbakapoko’ latami. Dopa lataminopa baame nyakamanya pii yanu pyakao, ‘Nyakama anja tangepe lao nambame masala naelyona’ lata.

Daa, dopa napiana, nyakama mona kapilyala naeyatamino doko, endakali dokaita kumao alu piaminoli pyoo, nyakama apata alu pitamiakana lao nambame nyakama langilyona” lea.

Dopa lataminopa anda tange dokome lao pituu, ‘Nambame nyakama langilyo: Nyakama anja tangepe lao nambame masala naelyona, nyakama koo pingima dupa namba yakinatala pupa’ latana” lea.

Dokopa Jisasame lao pituu, “Gotenya kingdom doko aipale? Nambame aki mendepa makande pyuu? Gotenya kingdom doko, akali mendeme masete dii mende nyepala, baanya eenya lyandeamo dopale. Masete doko andao ita joo yale jiamopa, wangya dupanya yaka ketae paenge dupame anda piamina” lea.