Popular Bible Verses from Matius 24

Share

Koraayan nga ruang-rumuang om osuang lobuw mingkoyod sono musosamod, nga isai yo po ototog poimaid so Aku musingkopupus nu kosonsora'an oono, osopulan nu Kinoringan.

Abar Owarong suat so gama' nu Kinoringan mogkuasa nga niabar so pilolongkop nu wonuo tu, tayon ong korongou kiawi' lobuw. Opupus ono, pongoowi'an nai' nu wonuo tu,” koo si Yisus.

Korongou kou nu ugod-ugod mualod om puobaran nu muwiwintos, nga ikod kou kilaa'. Subai ourug kiawi' oono nga okon po ko sonduun-duun pongoowi'an nu wonuo tu.

Ido bansa lumawan nu bansa wokon, om bansa so ido tontong muimpolanu mualod. Siombo-ombo nga kilikop om gumunggun su tana'. Kiawi' nu ono ponimpuunan nai' nu kosonsora'an, soko woinoi ingoton mokipupuanak-o.

Lumiong ong tana' om langit tu, nga tinongaran Ku musingkolaid,” koo.

Mutangar aku soko ono, so' osuang lobuw lumoga' ong wagu mongaakal mutangar nu, ‘Aku yo su Raja Nijanji nu Kinoringan,’ koo.

Iya oono okomon om nikomouli' kou so lobuw kikopogboya'an monginsaad om potoyon kou. Bisigon kou nu kiawi' lobuw so' poimaid kou so Aku. Osuang lobuw mintoron poimaid so Aku, musisindoraai om mubibisig nosiro. Om osuang lobuw musingkopoo'abar nu Kinoringan, mongaakal nu lobuw suang.

Sumombuto yo Iyo nu, “Ingat-ingat kou yo su' dai kou ookalan nu lobuw.

Ono yo ko' purigap-rigap kou yo dadan, so' dai muyu oilaan ong sombiya Aku lumoga', Anak nu Riniba,” koo si Yisus.

Indadi koingat-ingat-o muyu yo, so' dai muyu oilaan ong sombiya lumoga' Aku, ono yo Tuhan muyu.

Mutongaro po si Yisus nu, “D'ado lobuw koilo ong sombiya ourug ono, sondiang ko Kinoringan Amo so surga. Insan ongo susuu'on so surga om Aku, Anak Niyo kondiri, nga dai ya koilo nu ono.

so' ologa' iya oono tinu-tinu koyuwan momudut mutangar nu nosiro yo Raja Nijanji nu Kinoringan om musingkopoo'abar. Mugogoma'on nosiro nu koiran-iran pongaakal nu lobuw, om insan lobuw-a pinili' nu Kinoringan ookalan-a nosiro.

Iya kologa'an Ku, Anak nu Riniba, soko iya ni Nuu gulu ri. Laid nu dai po nokoloni' ri, soko koopotan-a gogoma'on nu lobuw. Mongokan, monginum, om muontun nosiro sampai nokosakoi-o si Nuu so kapal-i. Tadi' noilaan nosiro nu lusuon-o, ong muran muos om lumoni' yo sono sampai nolosod nosiro kiawi'. Soko ono ya pudi kologa'an Ku, Anak nu Riniba.