Popular Bible Verses from Markus 6

Share

Osuang lobuw minian dii, sampai dai kotodiri nosiro mongokan. Pagka soko iri, mutongaro yo si Yisus so pinongoorapan Niyo ri nu, “Mian toko yo so tontong oyiyingo mintoron sontagal,” koo.

Mutongaro yo si Yisus so nosiro nu, “Koduung poo'abar nu Kinoringan, orumaton so kiawi' tontong, nga dai orumaton so tontong om kosusulodan niyo kondiri,” koo.

Nokotindal-o po Iyo so alud-i, nosiou Niyo osuang lobuw dii. Noluluudan sono Iyo so nosiro so' soko osuang koogutan nosiro om d'ado monabang, soko baanan nu dumba d'ado moongipat. Tumugulo yo sono Iyo montuduk so nosiro.

Pagka dai nopoimaid nosiro, dai ya minomaal Iyo nu koiran-iran dii, onu ko po nopotopop nu palad Niyo so ulu nu tinu-tinu koyuwan morosakit, momali' so nosiro. Noiranan sobana si Yisus nu dai nosiro nopoimaid. Miano yo sono si Yisus so kampung orani so tontong iiri montuduk nu lobuw.

Olapo yo Niyo limo nowatu baang-baang om duo nokayu pait-i, om tumingaa'o yo mongunsopot so Kinoringan. Noopod iri, kobi-kobio yo Niyo baang-baang-i om taaki yo so mompomaid Niyo ri nu ipotayad-tayad so lobuw suang-i. Soko iri ya winaal Niyo pudi pait-i. Mongokano yo ongo lobuw-i sampai nowasug. Noopod iri, pumpungo yo nu mompomaid Niyo ri olu'-olu' ri, nokoponu' po opulu om duo podaka.