Popular Bible Verses from João 12

Share

Wari' co taramaja mi' xim napa' ma', na e' na pain ca ja' ja' cara capa'. Oro ca mao ne ca', je tara ca mao ca quem, pe ho' tarapa' quem. Wari' co taramaja mi' napa' ma', tomi' querec te ac tocwa tara, hohot ma ta ac tocwa tara. Wirico Te tara co hohot ma pan ton non ta na ca tomi' tococwa ma'.

Win ca wari' co win xumu e' nain ca param pan nucun pain macan' ca'. Om ta e' cara pe cain pawin ta. Wari' co om win xumu nain ca param pan nucun pain macan' ca' iri na ne, aram aram maqui' pa' ac con tara xec nein ca om pi' ra ha' ne ca e' nucun pain pawin.

Je ca tomi' xuhu' ca', tomi' iri'o' inuhu' ta ac tococwa na. Noro jein tocwi trigo ma'. Mo ta oin' xine, memerem ac ne na, ac ca mi' pin ne na quem. Mo ta om oin' xine pain macan' ma', mo ta om memerem maram mao ne taparinain ma', to wet xica' pe cara ac ne tara tocwi. Mo ta memerem maram mao ne taparinain, mi tamana ac ne tara tocwi.

Ac naran ina pain ca maqui' tain macan' ca', toha mi' inonon pain ximicocon oro wari'. Ma' ta om to cara cacain ca jitacat nein oro wari' co howa nanapa' ta ina.

Mo ta om tomi' ha' capa' wari' co taraju napa' pain ca tomi' hwet tain capijacon Te ca'. Om paxi' na ca wata' ne co tomi' em' non pain ca caracat nucun. Xi maqui' ta' pain ca tomi' em' toton ta' oro wari' ta. Maqui' ina, ma' ta to' witan toton oro wari' ta ina.

Maria ma' iri na ne, an ac camain na too ca ji'ao pe xine caji towaxi' ca hu xain ma'. Homain nardo na wixinain caji towaxi'. Mija na dinheiro nein quem. Ji'ao mi' ac camain na pain caximacon Jeju, xic cawain' ac camain na pain tenenequem quem. Hu xain pi' pin ac ne na tequipain xirim pain.

Ton cut qui' ac cacain na tahot, xuruxut cam' ac cocon na, merem ac caca na: In ac xun Iri' Jam ta. Tomi' querec te xun co cwa' co mam' maqui' nain ca hwara' opa nucun Iri' Jam cwa' nana. Tomi' querec te xun co cwa' co taramaxicon pe ho' napari' pain ca wari' nein Israel iri' cwa' na ca merem nucucun.

Tomi' xo' ac tococwa na: Maqui' pin ta' iri napa' xec nein ca mi' pin ta' ne ca'. An hwet mi' ac cuhu' tara pain ca hwara' opa ne Te Iri' Jam. An hwet mi' turuhu' pain ca hwara' opa ne ca', pain ca Iri' Wari' ta' ca'.