Popular Bible Verses from Lucas 18

Share

Pijim' ac tococwa na co taxipa' ca ma'. Pijim' joc mam' mi' tata cam narima' co tomi' ho' tomi' ho' non juiz pain carawa ca param cama ma'. Pijim' joc mam' mi' tata cam, ma' ta taraju pa' hwe pain ca na e' ne pain ca tomi' ho' tomi' ho' hun Iri' Jam ta tata. Ta naro camain' hwe pain ca tomi' ho' tomi' ho' hun me tata.

Quep xiho' tam ta na. Om ta ac i ma' ca Iri' Jam quem ra? Om ta quep xiho' cocon oro wari' nucun co wara tora' ca ma', co tama' quep xiho' xut cocon oro wari' co mixein nanaparut cwa' nonon pain xec je pain xim quem ra? Miri'om cara totoron ra? Om ta miri'om cara cocon ta. Je ca tomi' xuhu' ca' ac tococwa na. Quep xiho' hap totoron oro wari' co wara tora' ca ma'. Tomi' mi' hap totoron pain ca wap wa oro wari' co mixein nonon quem. Ac i ma' ton paxi' nonon. Ane tomi' querec pan xije ca' ne. Wata' pain ca Iri' Wari' ta' ca', tomi' querec pan xije: Ma' ma' wet tatara oro wari' co howa nonon Iri' Jam pain ca aram aram in qui' tain macan' ra? Howa howa wet totoron pain ca quep xiho' taxipa' ton nonon ra na ca tomi' tococwa ma'.

Om na, oro wari' ma', om ca to' witan pan ac xucucun. Iri' Jam ma' iri na ne, ha' non pain ca to' witan cocon oro wari' na ca tomi' tococwa ma'.

Tama' tomi' ho' tomi' ho' paxi' non, ane om ha' cam ne. Om ca quep xiho' ram ha' ca. Aram aram tomi' pan ac xucun na: Mija a xira narima' cwa'! Om paxi' na ca jin' ton Iri' Jam. Om paxi' na ca xiram pa' toton oro wari' ma' quem. Miri'om e' inonon co xiram pa' xut nanapa' ma' quem. Ane to' i'ina capa' pain ca tama' tomi' ho' tomi' ho' capa' cam cwa' ne. Quep xiho' tam ta. Tomi' querec xo' ton, am iri'o' ne pain ca mixein cam ma'. Mo ta querec pin' ton pain ca em' nucun pain ca mixein cam ma', tomi' mi' ac ton tara pain ca wap wa ta na, ac i ma' na ca pijim' tococwa cam narima' con juiz ma'.

Je ca tomi' xuhu' ca', tomi' iri'o' inuhu': Mo ta om an xiho' hwehwem hwijima' pain ca tomi' querec te cocon Iri' Jam pain ca taramaxicon pe ho' xuhu' ta cocon ma', om ta hwet camain' hun pain ca taramaxicon pe ca pain pawin cain ta na ca tomi' tococwa ma'.

Ane tomi' in pin cocon Jeju ne. Harahap je ta ac tacacama na hwijima' ma', tomi' ac tococwa na co taxipa' ca ma' quem: Ta narain ho' hwehwem pain ca hwet cacapa' hwijima' cwa' me ta. Ta tomi' in pin hwehwem me ta. Oro wari' co an xiho' nanam pain ca om xec xec nequequem ma', pain ca howa cacapa' ma', wiricoco tatara co taramaxicon pe ho' ca Iri' Jam ta.

Tomi' ac con na Jeju: Querec mami' ra ta. Xio pin ma, xi om ne ca howa ara mapa' ta na ca tomi' con ma'.

Para awi ma mapa' quem ac con na. Om na wari' co awi. Xica' pe na Iri' Jam co awi.