Popular Bible Verses from Lucas 22

Share

Te ac con na. Mo ta nain ho' xim mapa' pain ca jain jain ta' ne ca', pain ca mi' pin ta' ne ca' quem Te. Tara pum, nain ho' ne pain me paxi' inem. Ane param e' tain ca param nem ne. Noc inain ca param ne ca' na ca tomi' con Cote ca.

Ane tomi' mi' xim con Te quem ne Simão. Ma' ta om pan' ma con, ma' ta hwara' opa cara ma pain ca howa nem inon pum. Cwirin' pin iri rain ca caracat nem ne, to' hwara' opa ac momon tara pain ca howa nucucun xerem cwa' quem na ca tomi' con Simão Jeju ma'.

An iri nain capam' ne, tomi' ac con na Iri' Jam: Tomi' querec te urut pum pain ca mi' maparut pain capam' ca' quem Te non, jicat caracan ac cain na, mi' ac tococwa pain na. Capam' ca', an xiho' nain cwere ta ac tococwa na. Om ca narain ho' xuhu' pain. Cao' jein, tama' ara cara jein, ma' ta mam' pe wet mahu' pain ca mi' pin caho' xim xuhu' ca' inuhu' ta ac tococwa na.

Ac i ma' na pain comi memem quem. Cao' cao' pi' pin iri nana ne, an ac cain na ca mam' toc wa ca ji'ao pe xine comi memem, tomi' ac tococwa na: Comi memem ca ji'ao pe xine pain ca mam' toc wa ca', an xiho' nain cocu. Je ca to' querec pin' cuhu' pain xocori ca tomi' an pe xo' mi' cuhu' Iri' Jam cwa', pain ca to' witan xim cuhu' ca'. Ao mao iri tara cocu pain ca mi' pin caho' xim xuhu' ca' ne, je win ara pin tain cain ca tomi' pe nucun ta na ca tomi' tococwa ma'.

Jain jain tamana na pain ca toron ne ximicon. Wara tomi' tamana non Cote ca. Je win tomi' mip con quem. Nahwere' tamana na pain ca tomi' con ma'. Ac wic na ca nahwere' nucun, ao mao nain macan'.

Ane om na ne pain ca an xiho' huhun ne. Jimama' je. Co hwara' opa ma', om ta xec xec ca. An xiho' toron co om hwara' opa camain' ma'. Co taramaxicon ta' ma' pahu', an xiho' toron co taramaja mi' e' non win ma' ca ma'.

Om na ta Pedro ac ca na Jeju. Taraju wet ne e': Tomi' toton momon oro wari' ta. Om ta aca querec ca me pain xec ca', wara tomi' ac momon tara: Om ca querec pin' ton ta ac momon tara pata', ma' 3 tara ca tomi' ac i ma' toton ma quem. Tomi' iri'o' inem ta Pedro na ca tomi' con ma'.