Popular Bible Verses from VPOM 32

Share

Hauh soeu ka, Nah nyings Yakop ma nghuot lo. Nvng gas Mangso yah eq dius yah eq loeutyonh ung yvmvyah nah nyings Israel dvnghuot lo, ge.

Hauh soeu ka nyoq nyvng las, Ngos lyis kat kat aq, ge. Yakop gas, nvng ngos lyis ma shvmanh dyei lyis gas ma kat kat, ge.

Yakop nyang dvyuk kyingh gyoh nyeis las dius dvyuk mau buh shoq nyang yah lomgoh nyeis.

Housoeh las Yakop hauh joqyos lyis Peniel nyhink. Khasoeh ge lyis ngos gas Mangso yah nyoqnho changh nyvng goh laus eq ma shei, ge.

Hauh soeu ka nyang ma yoh ung zis lyis seq lyis Yakop dah dvngtsom gyi lyis thauh dyei las nyang yah lomgoh nyeis lyis nyah dvngtsom lhaiq tyamp.

Tsai, hauh soeu ka, Nah nyings cha nghuot, ge nyei lyis, Yakop nghuot, ge taiq kyoh.

Yakop eq, Nah nyings cha nghuot ngos lyis taiq kyoh aq, ge nyei lyis hauh soeu ka, Nvng ngah nyings chamus nyei, ge lho lha nyang lyis shvmanh dyei.

Nvng nah jyeidwis lyis chixoeuq dah jyehjuh yahge lomluk cho ngos dvkoeuq eq ma mon. Xikpheh ngos haih Yodan lvng lyis goeu uhlyis ngos lhamloq kyingh dvyoh, gvshih gas ngos aiq gvm nghuot goeus.

Housoeh Yakop dah dvngtsom gyi lyis thauh dyei yvmvyah, Israel jens khvnyhik jweh shoq dvngtsom gyi ma tsain zo.

Yakop gas, Ngah vphauh Abraham dah Mangso, ngah uwus Isak dah Mangso ngos lyis nah mau, nah vnyau bang jyank mas doms loh aq, ngos nvng lyis dis los nhang das ge taiq dah YHENSAIN eh

Ngos lyis ngah vmang Esau loq masyah jenh lhuiq kat aq. Nyang jweh las ngos lyis eq, vmesbih jens yahge vlo jens lyis eq zan das zis chiqh.