Popular Bible Verses from VPOM 37

Share

Dvlhain ka Yosep yhetmoq moq las, hauh zis nyah vmang moq lyis taiq kyoh goeus ya nyang lyis zes hoeng los.

Israel gas nyang mang thang lhyi Yosep dvyoh yvmvyah nyah lo jens gohyuk thoq lyis nyang lyis zes jyetdap. Nyang lyis dyixing yungh eq chop dyei.

Nyamoq dah uwus gas Yosep lyis nyah lo jens dvnganhmoq thoq lyis zes jyet yvlyis nyah vmang moq nyvng lyis Yosep lyis hoeng lha, nyang lyis dang gis dvkhonh eq ma tsain mes jis.

Nyang yhetmoq dvkoeuq doms moq las nyah vmang moq lyis, Yoeuh aq, ngos yhetmoq dvkoeuq doms moq. Buis, lhamhmuh yahge kyi dvci dvchvp ngos lyis tsain paiq, ge taiq kyoh.

Nyah vmang moq gas nyang lyis noh; nyah uwus gas hauh dang lyis nghamh comh toh.

Housoeh nyang gas nyah vmang moq lyis, Hai ngos moq dah yhetmoq bos gyo dyei geh. Yang danh mas gukphu tsain dain nyeis lyis yoeuh aq, ngah gukphu ka zungh zungh toq yap joq. Namoq dah gukphu ka ngah gukphu lhyi lhaink las tsain paiq nyeis, ge.

Los geh, yamoq nyang lyis sat las jeisdwang cauh dvkoeuq koeuq mas khyoq tyamp goh, housoeh nyang lyis yewus yah ngat zo goeus oen taiq goh; hou lhyi nyah yhetmoq cha duot das zis yang yoeuh goh, ge.

Gvshih Midian soenghi jens lai loh nyeis: nyamoq eq Yosep lyis dwang masyah she toq yoeus las Ishmael jens lyis ngwis kyvp aiqci lyis yah ungh kat. Housoeh las Yosep lyis Egutu pheh shwih e.

Nyamoq gas, Yhetmoq moq soeu los goeus.

Nyang we mas nghuot shih lyis nyamoq nyvng las, nyamoq jyank mas ma jweh los shih lyis nyang lyis sat das zis tsain lhaink.

Ruben gas, suih vlhoq thuq goh, vnos nhang goh, thyi mhanhdyvp dwang mas khyoq kat tyamp goh, ge. Houka Yosep lyis nyamoq loq masyah khyuot yoeus las nyah uwus jyank mas loh shwih kat das ge nghamh las nghuot.