Popular Bible Verses from متّی 15

Share

پَر جیرھیاں ڳالھیں اِنسان دے مُونہہ کنُوں نِکلدِن اُوہو دِلوں نِکلدِن اَتے اُوہو ای اِنسان کُوں پلیت کریندِن۔ کیوں جو دِل کنُوں ای بُریاں سوچاں، حرام کاریاں، قتل، زِناہ، چوریاں، کُوڑیاں گواہیاں، اَتے کُفر نِکلدے۔

جیرھی شے تُساں کھندو او اِنسان کُوں پلیت نَئیِں کریندی پَر جیرھی ڳالھ تُساں کریندو اُوہو اِنسان کُوں پلیت کریندی ہے۔“

’ایہ لوک خُشامدی ہِن جیرھے مُونہہ نال تاں میݙی ٻَہُوں عزت کریندِن پَر اِنہیں دے دِل میݙے کنُوں ٻَہُوں دُور ہِن۔ اَتے اِنہیں دی عبادت محض ݙِکھاوا ہے کیوں جو ایہ اِنسانیں دے حُکمیں دی تعلیم ݙیندِن۔‘“

اِیندے بعد یِسُوع جواب اِچ اُونکُوں آکھیا، ”اَے تریمت! تیݙا اِیمان ٻَہُوں پکا ہے جیویں تُوں چاہندی ہِیں تیݙے کیتے اُونویں تھیسی۔“ اَتے اُوں لحظے اِچ اُوندی دِھی کُوں شِفا مِل ڳئی۔

پَر اُوں تریمت آ کرائیں یِسُوع کُوں سِجدہ کیتا اَتے آکھیا، ”سَئیِں! میݙی مدد کر۔“ اُوں جواب اِچ آکھیا، ”ٻالیں دی روٹی چا کرائیں کُتیئیں کُوں سَٹ ݙیوَݨ ٹھیک کَینی۔“ تریمت آکھیا، جِیا سَئیِں! کیوں جو کُتے وی اُنہیں ٹُکڑیاں اِچوں کھندِن جیرھے اُنہیں دے مالکیں دی میز کنُوں ڈھاندِن۔