Popular Bible Verses from Yohanes 8

Share

Yesusti nimi tanekoag nen yubu lelamogti, “Na mog so'o tibin wareropne wamna. Nimi nanag neleplamneik nimi inibinne toman palamukang kom aghana, sinag tibin wareroba kamag nenehiropne neneko sinag wamlul,” seog.

Undo unulapmun tanena, a'undi sikne el uro wapmunba, sikne eneri a'un kaupto urobag agha a'un lopsilul,” aro ambatsiog.

Yahudi nimiri Yesusag sikne aro seneraglamek nimiag Yesusti yubu ambarelamsiogti, “A'undam nimi nari ambarelamsin yubuag meptangto wapmun tanena, a'unna nari yubu ka'ero neleptop nimi taptopne wamlulom.

Ane sembe Elmeri a'un kaupsirobag agha lopsile tanena, a'un tapto kaupsirop kom nimi wamlulom.

Yabu aksuro so'oag mome tolamog aghana, sindi elag tipto haim-haim alameka sembe eldi usog ebelingkiog. Ebelingkina sinag yubu lelamogti, “A'un wamlom nimi nhondi, ‘Na malia urop komne,’ seneptale tanena, eldi samenag kirik tobom agha kel ene oplul,” seog.

Wene seekpa, Yesusti sinag yubu lelamogti, “Nari yubu sikne agha ambatnuahin. Nimi etneri mali-malia urop tanena, nimi eneko, ‘Malia uahane,’ senenneri arukna nenep tangtopne wamla.

Wamdekti Yesusti usog ebom agha kel enekoag, “Kain, nimi taneko ni tala piang? Anag tam pimnep nimi nhon wamla to, kom to?” aro haibaog. Wene aro haibaogpa, kel enekori, “Nai, nanag tam pimnep nimina orog,” seog. Wene seogpa Yesusti, “Nari babe anag tam pimnun kom. Hae pimendi, andi malia ulamomne wene lipmendi, nen malinge uaheng kom,” seog].