Popular Bible Verses from Lukas 13

Share

Wene aro haibaogpa, Yesusti samoro nimi enekoag, “Amik sum nimi maiknori, ‘Allahri nimi taluro paia uhirobag wa'inun,’ aro ulamukang aghana, nari a'un ambarelamsinne, amik sum eneko ae ngainge poneko sekel aleri, ina serekale tanena, wa'inep kom wamukang. Ane sembe, wene anamag a'un nong ningkiri, ‘Ina to'op ina ane toman wa'inun,’ aro sumene ulamlulom. Sumene uamun kom pagha tanena, amik ae ngainge ponekori ina serekale sum eneko a'undi paiag sip sekapmundi, ‘Nai, nu ina kubatsimenba wa'aukap,’ aro ina kaungulamlulom. Ina kaungulamlulom aghana, ae ngainge ponekori, ‘A'unna na ekonne wamlom. A'un talaba yalomne babe na ekon,’ selul.

Aneko kelabo nhon hengkun sa'o tarabare phia yonge kel enekoag wamogpa, naikto ulamog kel nhon wamog. Kel eneko maghan kiniplobogpa, peket seknange erarukti, maghan kiniptoba ua ulamog. Undo ua ulamogne Yesusti ibogti, kel enekoag, “Yae,” aro yoplamogti, “Kain, anag naikna ulangkelne wene orog tal,” seog.

Wene seogti, Yesusti kel enekoag sae pibog abeneko pere maghan kiniptopne neneko orog taogpa, peket sekelabiogti, Allah omeklamog.

A'un el uro wamlulom! Amik uro yabile sum eneko nimi wailagne wene wamang nimi agha, nimi maikno amik whingag sip taukang. Nimi whingagne wene wamang nimi agha, nimi maikno wailag sip taukang,” aro Yesusti ambatsiog.

Wene aro haibaogpa, Yesusti samoro nimi enekoag, “Amik sum nimi maiknori, ‘Allahri nimi taluro paia uhirobag wa'inun,’ aro ulamukang aghana, nari a'un ambarelamsinne, amik sum eneko ae ngainge poneko sekel aleri, ina serekale tanena, wa'inep kom wamukang. Ane sembe, wene anamag a'un nong ningkiri, ‘Ina to'op ina ane toman wa'inun,’ aro sumene ulamlulom. Sumene uamun kom pagha tanena, amik ae ngainge ponekori ina serekale sum eneko a'undi paiag sip sekapmundi, ‘Nai, nu ina kubatsimenba wa'aukap,’ aro ina kaungulamlulom. Ina kaungulamlulom aghana, ae ngainge ponekori, ‘A'unna na ekonne wamlom. A'un talaba yalomne babe na ekon,’ selul.

‘Kom,’ alamna! Sikne agha ambarelamsin. A'undi malia seneragto ulamlomne lilobi agha Allahri senenne saelbapmun kom tanena, sin tebaong saog uro a'un babe tebalulom,” aro Yesusti ambatsiog.

Wene sululom aghana, ae ngainge ponekori nen yubu lelamleri, ‘A'unna na ekonne wamlom. A'un talaba yalomne babe na ekon. A'un yoaba ulamlom nimi wene na wamnaag anea pululom,’ selul.

Yesusti nimi hairo ambarelamsiogti, “Allahri amik ma'arop nimi maikno saelba uhiroba welaro wamnepne ane huropneag agha sunuro ambatsinep? Tam huropneag agha a'unag tibin nenero sumbatsinun? Kwarang si so'oag togtopne saog uro wamla. Nimiri kwarang si olog sirikne nene toro eldi aweag memna tanena, pongoro waelbanba, winang im toman yabirop winang tanekori kal sae tanekoag ae solanep,” aro Yesusti sunuro ambatsiog.