Popular Bible Verses from Lukas 20

Share

Wene seekpa Yesusti, “Kamna kaptoba wana aneag Kaisarti yame sunurobaap, eldi siap pairop tanena, Kaisarti a'unag, ‘Tatnululom,’ sele tanena, ‘Eldinge,’ aro tarelamlulom. Apna sa'a-sa'a Allahringe wamla tanena, Allahag tarelamlulom,” seog.

Wene seekpa, Yesusti sinag tangabom agha kembitsiogti, “Wene a'undi, ‘Uro yabinep kom,’ selom aghana, Allah Yubu samenag mome toro pibekne lilim wamlange nene Allahri sa'a sembe lebog sembalom? Allahri Yubuag mome toro pibog nena, ‘Ae sorop nangdi kirik nene mali aro toboghaek aghana, kirik neneko yangan kirik o'omne yangap tao,’ aro mome toro pibog. Ane sa'a sembe lemnep sembalom?

“Sin Musari yubu amohirop nang tanekori ulamangne saog uro a'undi babe unuaheng kom. Sin Musari yubu amohirop nang taneko sindam nimiri paliag nenep tangka nubu nimiri enektop ag walinge agha nongag wangalamangdi, nimiri pail wa'ina kamna kapto torobag wa'alamangdi, ‘Nimiri na wali sembanehengdi, kipneheng taneogna wali,’ aro nimi whing toman pang yang ulamang. Nimi poloro Allah yubu lero winirop aeag babe, nimi haiptangto kwaneng yoro nikag terobag babe, ‘Nimi nubunang purobag aghabog pukamsene,’ aro pulamang. Sin nimiri, ‘Na kipneheng,’ aro unulamang aghana, aboapti kaldam kelabori ae babe, saeagha uropne babe sin Musari yubu amohirop nang tanekori taluro tolamang. Taluro tolamang aghana, sindi malia uropne sembe, ‘Niknip tanun,’ aro Allahag molona we uro kiliro lelamang. Unulamangne nene sembe ni tam kemero karebalulne ponekori kemelamsildi, tam ikin sirikne sinag pipsilul,” aro Yesusti wenero ambatsiog.