Popular Bible Verses from Maheveru 12

Share

Mweyo, pakuninga ci tu na thzingurukiwa ku mungi o mambangi, tu thsienu yoihe eyi i na tu remena, karo tu thsienu thsivi ethsi thsi na tu rambera. Tu cirenu ko muooto shime ku ka kuma ku mamaneneno o rakaraka ethzi thzi na tu taterera. Tu kengererenu kwa Yesu, aye mutateki no mukwakwononona thsitawo thsetu. Inene mukaci ko thsinyanyu ethsi thsa mu tatererire, wa cithzuire pa mbinda, karo ka a fire honyi ku fera pa mbinda. Pano honi nekara ku rudyo ro ngunja thza Nyambi.

Mu thsikati thso ku ororiwa, munu ka a ciyuvangire nawa, unone aa yuvanga kukora. Uno honi munyima yaa reta ima yo thsiyaro nowawa kowa na fundithsiwa modi dikuñwa.

Mu koñomeke ku yoya ko thsiyaro nanu wahe no ku yoya mwoyo oukenu, inene o kukana kukena ka ku mona Fumu.

Mu anekere Yesu, oyu wa cithzuire orwithsi ku tunderera kwanu wevi, ci katere mwa ku aye nji ku huka munyima.

Mweyo, pakuninga ci twaa tambura kutumina ko kukana ku twethsa ku ngangamithsiwa, tu kandererenu no ku rombera Nyambi komu ku na roera ko direma no ku yapa.

Mu cithzue mwikarupa inene mwaa ororiwa. Mu i shimbe ci Nyambi oyu mi tenda kengeyo. Ene kwaa di mwana oyu wa kana ku ororiwa kwa tata wenthzi nji?

Inene Nyambi wetu yodiyo mudiro ou u ñotokithsa.

Atata wetu o pano pashi na tu orora thsikati thsothsipu kokuthza komu na monena ci nga dyo tu na roera ku yoya. Uno honi Nyambi aye aa tu orora ku tu kwathsa ci nga tu ciere mukenu wenthzi.

Mu mvo thzenu thzo ku kanena thsivi ka na mu kumupo mu thsikati thso kuninga ci shime ku paiwa.