Popular Bible Verses from Mberaand 17

Share

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

Ne’kataandee Abram, ndaa xan o ne’el Abraham, yaam xan o ref o taan no qeet mayu.

Xam dam ngiɓoor ne a ndeer es fa wo, damin a ndeer es fo xa taan of axe na ndeefankang, reefandin no suk den. Xan a ref ngiɓoor naa na refkaa boo faw, naa um refkaa Roog of fo Roog na xa taan of.

«Keeke refu ngiɓoor ne um dalinkaa ndeer es fa wo: Xan o ref o taan qeet mayu.

Roog a doonaan ee: «Ha’aa! Xan Saara fee o teef a rimanong o ƥiy o ngoor too fat o ne’in Isaak. Xam dam ngiɓoor es fo ten, damin itam ndeer es fo xaa faqaqoorna no ten. Xan a ref ngiɓoor naa na refkaa boo faw ndeer es fo xa taan um.

Xam ci’ong, wo fo xa taan of, saax lene refiidoona o gataakoon, saax le Kanaan fop, too xam ref Roog den.»

Abraham a gunga a lanq, a jal, soo a lay taa no yiif um ee: «Mam o ƥiy a reefkaa o cegu xa kiid teemeed? Mee ndax Saara fa xoox um, oxe na xa kiid qarɓeen ɓetuu nahik! Ndax xan a ñootat?»

Roog a laya a Abraham ee: «Saarayi fee o teef ne’kataand Saarayi ndaa Saara a ne’kateel.

Nquc ne na refkaa o anddiloor ole a ndeer es fa nuun.

Kaa koy, no ke farna no ngiɓoor es xam damin fa Isaak fee o jegkaa fa Saara na waxtu feeke mbaan.»

No suk nuu refna, oxuu rimeena na nuun too a ref o koor, fat a xucel yaa bes um a dakooxiidna, ta ref oxaa rimeena no mbind of mbaat oxaa jikteena xaaliis mbaat o gataakoon olaa fogeerna na xa taan of. Oxe rimeena no mbind of a ware o xuc, ten fo xe jiktoona xaaliis of. O anddiloor ole no ngiɓoor ne na refkaa boo faw no cer nuun a refkaa.