Popular Bible Verses from ປະຖົມມະການ 22

Share

ດັ່ງນັ້ນ ອັບຣາຮາມ​ຈຶ່ງ​ໄດ້​ເອີ້ນ​ສະຖານທີ່​ນັ້ນ​ວ່າ, “ພຣະເຈົ້າ​ຢາເວ​ຈະ​ຈັດຕຽມ​ໃຫ້”. ແລະ ຍັງ​ເປັນ​ທີ່​ເວົ້າ​ກັນ​ຈົນ​ເຖິງ​ທຸກ​ວັນ​ນີ້​ວ່າ, “ສິ່ງ​ນັ້ນ​ຈະ​ຖືກ​ຈັດຕຽມ​ໄວ້​ເທິງ​ພູເຂົາ​ຂອງ​ພຣະເຈົ້າ​ຢາເວ”.

ແລ້ວ​ພຣະເຈົ້າ​ໄດ້​ກ່າວ​ວ່າ, “ຈົ່ງ​ພາ​ລູກຊາຍ​ຂອງ​ເຈົ້າ, ລູກຊາຍ​ພຽງ​ຄົນ​ດຽວ​ຂອງ​ເຈົ້າ ຜູ້​ທີ່​ເຈົ້າ​ຮັກ ຄື​ອີຊາກ ແລ້ວ​ໄປ​ຍັງ​ເຂດ​ໂມຣິຢາ. ຈົ່ງ​ຖວາຍ​ລາວ​ຢູ່​ທີ່ນັ້ນ​ເພື່ອ​ເປັນ​ເຄື່ອງເຜົາ​ບູຊາ​ເທິງ​ພູເຂົາ​ແຫ່ງ​ໜຶ່ງ​ທີ່​ເຮົາ​ຈະ​ສະແດງ​ແກ່​ເຈົ້າ”.

ເທວະດາ​ກ່າວ​ວ່າ, “ຢ່າ​ເດ່​ມື​ໃສ່​ເດັກນ້ອຍ​ນັ້ນ, ຢ່າ​ເຮັດ​ສິ່ງໃດ​ແກ່​ລາວ​ເລີຍ. ບັດນີ້​ເຮົາ​ຮູ້​ແລ້ວ​ວ່າ​ເຈົ້າ​ຢຳເກງ​ພຣະເຈົ້າ, ເພາະ​ເຈົ້າ​ບໍ່​ໄດ້​ຫວງແຫນ​ລູກຊາຍ​ຂອງ​ເຈົ້າ​ຈາກ​ເຮົາ, ຄື​ລູກຊາຍ​ພຽງ​ຄົນ​ດຽວ​ຂອງ​ເຈົ້າ”.

ອັບຣາຮາມ​ຕອບ​ວ່າ, “ລູກ​ເອີຍ, ພຣະເຈົ້າ​ຈະ​ຈັດຕຽມ​ລູກ​ແກະ​ສຳລັບ​ເຜົາບູຊາ​ໃຫ້​ເອງ”. ແລະ ທັງສອງ​ກໍ​ຍ່າງ​ຕໍ່ໄປ​ດ້ວຍ​ກັນ.

ເຮົາ​ຈະ​ອວຍພອນ​ເຈົ້າ​ແນ່ນອນ ແລະ ຈະ​ເຮັດ​ໃຫ້​ເຊື້ອສາຍ​ຂອງ​ເຈົ້າ​ມີ​ຈຳນວນ​ຫລວງຫລາຍ​ເໝືອນ​ດັ່ງ​ດວງດາວ​ໃນ​ທ້ອງຟ້າ ແລະ ເໝືອນ​ດັ່ງ​ເມັດຊາຍ​ທີ່​ຢູ່​ແຄມທະເລ. ເຊື້ອສາຍ​ຂອງ​ເຈົ້າ​ຈະ​ຄອບຄອງ​ເມືອງ​ຕ່າງໆ​ຂອງ​ບັນດາ​ສັດຕູ​ຂອງ​ພວກເຂົາ, ແລະ ທຸກ​ຊົນຊາດ​ເທິງ​ແຜ່ນດິນໂລກ​ຈະ​ໄດ້​ຮັບ​ພອນ​ຜ່ານ​ທາງ​ເຊື້ອສາຍ​ຂອງ​ເຈົ້າ, ເພາະ​ເຈົ້າ​ໄດ້​ເຊື່ອຟັງ​ເຮົາ”.

ຕໍ່ມາ​ພຣະເຈົ້າ​ໄດ້​ທົດສອບ​ອັບຣາຮາມ. ພຣະອົງ​ກ່າວ​ກັບ​ເພິ່ນ​ວ່າ, “ອັບຣາຮາມ​ເອີຍ!” ເພິ່ນ​ຕອບ​ວ່າ, “ຂ້ານ້ອຍ​ຢູ່​ທີ່ນີ້”.

ແຕ່​ເທວະດາ​ຂອງ​ພຣະເຈົ້າ​ຢາເວ​ໄດ້​ເອີ້ນ​ໃສ່​ເພິ່ນ​ຈາກ​ສະຫວັນ​ວ່າ, “ອັບຣາຮາມ! ອັບຣາຮາມ!” ເພິ່ນ​ຕອບ​ວ່າ, “ຂ້ານ້ອຍ​ຢູ່​ທີ່​ນີ້”.

ແລ້ວ​ເທວະດາ​ຂອງ​ພຣະເຈົ້າ​ຢາເວ​ເອີ້ນ​ໃສ່​ອັບຣາຮາມ​ຈາກ​ສະຫວັນ​ເປັນ​ຄັ້ງ​ທີ​ສອງ ແລະ ກ່າວ​ວ່າ, “ພຣະເຈົ້າ​ຢາເວ​ປະກາດ​ວ່າ, ເຮົາ​ຂໍ​ປະຕິຍານ​ໂດຍ​ເຮົາ​ເອງ​ວ່າ, ເພາະ​ເຈົ້າ​ໄດ້​ເຮັດ​ເຊັ່ນ​ນີ້ ແລະ ບໍ່​ໄດ້​ຫວງແຫນ​ລູກຊາຍ​ຂອງ​ເຈົ້າ ຄື​ລູກຊາຍ​ພຽງ​ຄົນ​ດຽວ​ຂອງ​ເຈົ້າ

ເມື່ອ​ພວກເພິ່ນ​ມາ​ເຖິງ​ສະຖານທີ່ ເຊິ່ງ​ພຣະເຈົ້າ​ບອກ​ພວກເພິ່ນ​ໄວ້. ອັບຣາຮາມ​ກໍ​ໄດ້​ສ້າງ​ແທ່ນບູຊາ​ຂຶ້ນ ແລະ ຈັດ​ຟືນ​ໃສ່​ເທິງ​ແທ່ນ​ນັ້ນ. ເພິ່ນ​ມັດ​ອີຊາກ​ລູກ​ຂອງ​ເພິ່ນ ແລະ ວາງ​ລາວ​ລົງ​ເທິງ​ກອງ​ຟືນ​ທີ່​ຢູ່​ເທິງ​ແທ່ນບູຊາ.