Popular Bible Verses from ລູກາ 19

Share

ດ້ວຍວ່າ ບຸດມະນຸດ​ໄດ້​ມາ​ເພື່ອ​ຊອກຫາ ແລະ ຊ່ວຍ​ຄົນ​ທີ່​ຫລົງ​ຫາຍ​ໃຫ້​ລອດພົ້ນ”.

“ພຣະພອນ​ມີ​ແດ່​ກະສັດ​ຜູ້​ທີ່​ມາ​ໃນ​ນາມ​ຂອງ​ອົງພຣະຜູ້ເປັນເຈົ້າ!” “ສັນຕິສຸກ​ຈົ່ງ​ມີ​ໃນ​ສະຫວັນ ແລະ ສະຫງ່າລາສີ​ຈົ່ງ​ມີ​ໃນ​ທີ່​ສູງສຸດ!”

ພຣະເຢຊູເຈົ້າ​ກ່າວ​ກັບ​ລາວ​ວ່າ, “ໃນ​ວັນນີ້​ຄວາມພົ້ນ​ໄດ້​ມາ​ເຖິງ​ເຮືອນ​ຫລັງ​ນີ້​ແລ້ວ, ເພາະ​ຊາຍ​ຄົນ​ນີ້​ກໍ​ເປັນ​ລູກຫລານ​ຂອງ​ອັບຣາຮາມ​ເໝືອນກັນ.

ເມື່ອ​ພຣະເຢຊູເຈົ້າ​ມາ​ເຖິງ​ທີ່​ນັ້ນ ພຣະອົງ​ກໍ​ເງີຍໜ້າ​ຂຶ້ນ​ແລ້ວ​ເວົ້າ​ກັບ​ລາວ​ວ່າ, “ຊັກຂ່າຍ, ຟ້າວ​ລົງ​ມາ​ສາ. ເພາະ​ວັນ​ນີ້​ເຮົາ​ຕ້ອງ​ພັກ​ຢູ່​ເຮືອນ​ຂອງ​ເຈົ້າ”. ດັ່ງນັ້ນ​ລາວ​ຈຶ່ງ​ລົງ​ມາ​ທັນທີ ແລະ ຕ້ອນຮັບ​ພຣະອົງ​ດ້ວຍ​ຄວາມຊື່ນຊົມຍິນດີ.

ແຕ່​ຊັກຂ່າຍ​ລຸກ​ຂຶ້ນ​ເວົ້າ​ກັບ​ອົງພຣະຜູ້ເປັນເຈົ້າ​ວ່າ, “ເບິ່ງ​ແມ! ອົງພຣະຜູ້ເປັນເຈົ້າ, ເວລາ​ນີ້​ຂ້ານ້ອຍ​ຂໍ​ຍົກ​ຊັບສົມບັດ​ເຄິ່ງ​ໜຶ່ງ​ໃຫ້​ແກ່​ຄົນຍາກຈົນ ແລະ ຖ້າ​ຂ້ານ້ອຍ​ໄດ້​ສໍ້ໂກງ​ເອົາ​ສິ່ງ​ໃດ​ຂອງ​ຜູ້ໃດ, ຂ້ານ້ອຍ​ກໍ​ຂໍ​ໃຊ້​ຄືນ​ໃຫ້​ສີ່​ເທົ່າ”.

ພວກ​ຟາຣີຊາຍ​ບາງຄົນ​ໃນ​ປະຊາຊົນ​ໄດ້​ເວົ້າ​ກັບ​ພຣະເຢຊູເຈົ້າ​ວ່າ, “ອາຈານ, ຈົ່ງ​ຫ້າມ​ພວກສາວົກ​ຂອງ​ທ່ານ​ດ້ວຍ!” ພຣະອົງ​ຕອບ​ວ່າ, “ເຮົາ​ບອກ​ພວກເຈົ້າ​ວ່າ ຖ້າ​ພວກເຂົາ​ມິດງຽບ​ຢູ່ ກ້ອນຫີນ​ທັງຫລາຍ​ກໍ​ຈະ​ເປັ່ງ​ສຽງ​ຮ້ອງ​ຂຶ້ນ”.