Popular Bible Verses from lk. 12

Share

ŋwu ṯaŋwu, ŋaŋa tɔk, eṯi nani yey yelu eḏi icazi ki ṯay; kaka naŋna gwu Tor teḏi kwizigwunaŋ eḏila ki lomur liti likitaḏi ŋa li mac.

naŋnar ŋelenyi ŋuŋun kerreny, ṯofḏana ṯi ṯuŋwun tɔk, mindaŋ er ŋazi kikindeci kwɔmne ŋgwa tatap.

nuŋw zi eca ŋwu: izarzi, ezi aŋraci ŋir afindiny. kaka iti nani gwu ŋimiiḏa ŋeḏi kwizi kwere mac kwɔmne-na kwubɔnalu, kweṯuŋw eḏi.

kaka kezir weri gwu awni ŋurṯua ŋalu, a gwu rugwor ralu nani tɔk.

muŋw ari kwere daŋgal-na, nyi kweŋgi ṯa duŋgwa kwɔkwɔk, kwende kweḏi ŋuma eḏi kiɽeni ṯii ṯete?

nuŋw eca limeḏgen ŋwu: ṯa ŋwu, nyi kwecaŋazi ma ŋwa, eṯere efrinji ŋiɽaŋali ŋeḏi ŋimiiḏa ŋalu eḏurreḏa ŋaŋwuzi mac, eḏaru ŋwu: aḏa kwiri kwenyi ye? ya aḏa kwiri kwenyi ii? na ŋeḏi aŋna tɔk mac, eḏaru ŋwu: aḏa kwiri kwenyi kenne?

na ŋiɽaŋal ŋiṯemḏi, kinna, owɽu weḏi ŋwoɽa ŋwalu ŋwere ŋwere wiɽena tatap. eti ṯinya mac; kaka ṯemḏiŋa gwu nyiɽow la nyuru nyuru.

eṯiṯinya mac, yaŋal yɔkwɔ yinyi, kaka ami gwu Ṯarnyalu-na talu eḏinḏeḏa ŋaŋwuzi ŋelenyi.

izarṯi keni ŋwufiḏuŋwa, ŋwiti ŋweṯi kwe mac, ŋwiti ŋweṯuni tɔk mac; eṯir ere ferṯada kwɔmne kwere ki nyuluŋ-na mac, na eṯi zi Allah inḏeḏa eḏneya. a liti leṯiṯamḏu nyiɽowa manya?

eṯere ṯibaḏa mac kwɔmne kwere kweḏi ye, ya kweḏi ii; eṯiŋazi ŋiɽaŋal ŋere urreḏi mac.

ma Allah kinni karwa keḏi yaɽi-na kaka ṯaŋwu, kinani aŋwunu ki yaɽi-na mindaŋ ma ŋurpu ŋgwa orɔ, eṯir gaṯu kigə-na ta, ŋwere ami kinni ŋaŋwuzi tɔk manya? ŋaŋa liremba leḏi ṯəmna ṯɔkwɽeny.

na kwɔmne ere nani kwere mac kwukwuɽbene lu, na gwu ta ruwene lu pɔrpɔr, na kwuluci-na ta, ŋwu liŋeḏine.