Popular Bible Verses from lk. 17

Share

nuŋw eca ŋwu: diɽi, ele. ṯəmna ṯɔŋwa ṯimɔŋa zəwi.

muŋw əkizi ŋaŋwuzi lɔmori puɽcur nyamin dufɔkwɽeny ki lamin lutuput, mindaŋ muŋw orlaḏa ŋaŋwuzi nana nyamin dufɔkwɽeny, muŋw eca ŋaŋwuzi ŋwu: nyi orlaci ŋikyaŋi ŋinyi ŋwudɔŋw, fifricarzelu.

nuŋw izani kwete deŋgen-na, muŋw zeyini, nuŋw orlalu ŋwal ŋi ŋwupa kwuniya Allah-na ŋinit ŋi ŋumma ŋi. nuŋw iidicelu ŋwuɽele-na, nuŋw eca ŋunduŋwu, zukran, kwunde kwir kweḏi ezir weni zaamra.

aŋiranar; ma ŋazi aŋgalu əkizi lɔmori puɽcur ta, ermicer, muŋw orla ṯugwori lu, iɽnyacarzelu.

na Yecu eca ŋwu: nyi ari, ŋaŋa liri wri lidaɽmina. na lende kwuniṯri?

nezi Kweleny eca ŋwu: eŋgi eḏi ṯəmna ṯir ṯɔkwɽoc kaka lola lete leḏi kwatta, eŋgi eca kwaɽi ŋgwu kweḏi ṯuuṯ, elline rufu ri lu a keṯini ki ṯujul-na, eŋgir ṯa errini ŋwu tuc.

muŋw naŋni kwere nyiḏak eḏi kileḏi rɔgwɽɔ ruŋwun, kwunde kwiru kwe zi kiraza lu: muŋw ṯuzi kwere rɔgwɽɔ ruŋwun, kwunde kwiru kwe zi kileḏi.

nuŋw andaci limeḏgen, nuŋw zi eca ŋwu: ṯiṯugwudaza eḏaki pir ṯila rac, lakin, eyewey, ṯurfa teḏi ŋgwa kwinḏi eḏi zi ṯugwudazi! ŋizawi duŋgwun eḏi kəkini ali kwrɔm, eḏi kaṯu ki tujul-na, muŋw ṯugwudazi tete kru tɔkwɽeny eḏaki tay pir.

kaka ŋwamin ŋwunani ŋi kwor kweni nuuh, er ṯa orɔ ŋwu ki ŋwamin ŋweḏi Tor teḏi kwizigwunaŋ. ki ŋwamin ŋwa, eṯir eḏne, eṯir ii, eṯir amɽaḏizina eḏagiḏi, mindaŋ na lamin ila limɔ li nuuh enḏi ki faluuka-na, na kiiru ila, nuŋw zi kiraza lu tatap.