Popular Bible Verses from SAN JUAN 15

Share

Inayen weja tken uva. Cyey, tkꞌab uvakey. Ka junx chi temela wuyena, tuꞌntzen junx ntena cyuyey, nim cbinel cyuꞌna. Pero ka ma chi eꞌlkey wiꞌja, mintiiꞌ cbinel cyuꞌna.

Cykꞌoꞌnc cyipena tiꞌj tuꞌn cytena junx wuyena, tuꞌntzen ntena junx cyuyey. Jun tkꞌab loꞌpj, ka yaaꞌn toc tiꞌ tken, mlay takꞌ twitz. Bix jax juꞌx cyey, mintiiꞌ baꞌn cbinel cyuꞌna ka min ma chi cyaja junx wuyena.

Ka junxkey wuyena, bix ka ma cyaj nyola tuj cyanema, alcyej ma txiꞌ cykanena te Nmana, ctzaal tkꞌoꞌnxin cyey.

Yaaꞌn ejeeꞌy e kbante tuꞌn cyakꞌanana junx wuyena, sino inayena e jaw scyꞌonte cyey, bix ma txiꞌ nkꞌoꞌna cyaakꞌena, jaj tuꞌn cyxiꞌy kbalte cye xjal tuꞌn cyocslan wiꞌja. Jaj akꞌuntl lu tisen jun awal mlay cub baj. Bix cuma ma txiꞌ nkꞌoꞌna ja cyaakꞌena lu, juꞌ tzunj alcyej cxeꞌl cykanena te Nmana, ctzaal tkꞌoꞌnxin cyey.

Mlay txiꞌ tyeecꞌan jun xjal jun tkꞌakꞌbil tcꞌuꞌj mas jawnex twitzj tuꞌn t-xiꞌ tkꞌon tiib tuꞌn tcyim, tuꞌn tclet jun tuya tuꞌn.

Bix ejeeꞌy tisen kej tkꞌab toc wiꞌja. Kej tkꞌab uva toc wiꞌja, ka min ma cyakꞌ twitz, qꞌueleltzen ttxꞌoman Nmana wiꞌja. Pero kej tkꞌab at twitz, qꞌuelel tiiꞌn Nmana ttzkijil cyiꞌj, tuꞌntzen toc mas twitz.

Cxeꞌl nkꞌoꞌna juntl yol cyey. Cꞌoquel cyakꞌ cyuyey cyey, tisen ma tzꞌoc cyakꞌa weya.

Oj t-xiꞌ cyyeecꞌana ka ncheꞌx lpey wiꞌja tuꞌnj nim cbinel cyuꞌna, cjaweltzen nimset tbi Nmana.

Tej cyetz Jesús, e xiꞌ tkbaꞌntlxin cye t-xnakꞌatzxin: —Cxeꞌl nkbaꞌna jun techel cyey. Inayena tisen jun jaxxix tken loꞌpj te uva. Bix Nmana taaw tken uva.

Alcyej xjal yaaꞌn toc wiꞌja, juꞌtzen ctemela tisen jun tkꞌab loꞌpj ka min takꞌ twitz. Nuk qꞌuelex xeꞌt tkꞌab, bix ctzkiꞌl. Bix cꞌajbel nuk tuꞌn tocx cykꞌoꞌn xjal tuj kꞌakꞌ, tuꞌntzen tbaj tzꞌeyꞌ.

Ka ma tzꞌoc cybiꞌna kej yol lu ma txiꞌ nkbaꞌna cyey, chi tzalajela tisen weya nchin tzalaj. Waja tuꞌn tten jun cytzalajebla jawnex.

Ka ma cybiy nyola, juꞌtzen chi yeecꞌala n-oc wakꞌa cyey, tisenx ma txiꞌ nyeecꞌana n-oc takꞌ Nmana weya tuꞌnj e nbiya tyol.

Juntl maj cxeꞌl nkbaꞌna cyey, tuꞌn cybintey nyola, cꞌoquel cyakꞌ cyiiba cyey.

Nuket junx cynaabla tuyaj cynaabl xjal te twitz txꞌotxꞌ, n-oqueltzele cyakꞌa cye, cuma junxseke cyuyey. Pero yaaꞌn junx cynaabla tuya cynaabl xjal te twitz txꞌotxꞌ. Ma jaw nscyꞌoꞌnkey tuꞌn tel cypaꞌn cyiiba cyiꞌj. Juꞌ tzunj, qꞌuelel cyiiqꞌuen ejeeꞌy.