Popular Bible Verses from SAN MARCOS 11

Share

Juꞌ tzunj cxeꞌl nkbaꞌn cyey, baꞌn tbinte Dios tikꞌch tuꞌn ka ilxix tiꞌj. Nuk cxeꞌl cykanen chꞌina tuya cykil cycꞌuꞌja, bix ccyiikꞌey te Dios.

Tzinexixse cxeꞌl nkbaꞌn cyey, al kꞌuklec tcꞌuꞌj tiꞌ Dios, ctkꞌaꞌte Dios ti jilel cxeꞌl cykanena texin. Tisej oj t-xiꞌ cykbaꞌna tej witz lu tuꞌn tjaw kꞌukpaj tuꞌn t-xiꞌ tuj mar, ctcuyate witz ka kꞌuklec cycꞌuꞌja tiꞌ Dios, bix ka min baj cycꞌuꞌja.

Nko yolentzen tiꞌ naꞌj Dios, attzen juntl tumel. Ojtzen cyakꞌa naꞌl Dios, ka at til jun xjal twitza, cynajsanqꞌuey ka cyaja najset cyila tuꞌn Dios at tuj cyaꞌj.

Bix aj ttzakꞌbeꞌn Jesús: —Mintiiꞌ teja. Alj kꞌuklec tcꞌuꞌj tiꞌ Dios, jacꞌa bint tikꞌch tuꞌn. Juꞌ tzunj cꞌoquelxix ke cycꞌuꞌja tiꞌ Dios.

Bix akꞌxin kbalte cye xjal tiken e tbinchexin juꞌwa: —Tz̈i tuj tyol Dios cyjulu: “Weya nja te nabl wewa cyuꞌn xjal tuj cykil twitz txꞌotxꞌ,” tz̈i Dios. Pero yaltzen cyey, matzen cub meltzꞌaj tja Dios cyuꞌna tisen jun tja alakꞌ―tz̈i Jesús cye xjal.

Bix cykilcaxse xjal nejl twitzxin bix lepch tzinxse nchi s̈-in: —¡Ma tzul kaaw! ¡E tten tzunxin kuya nim kꞌij! ¡Cyꞌiwlaꞌnxit-xin, cuma ma tzulxin tuya tajwalelxin tuꞌn Dios!

¡Cyꞌiwlaꞌnxit-xin, cuma ma tzul t-xeꞌchel David te cawel! ¡Axse tbanel!―tz̈i ke xjal.