Popular Bible Verses from SAN MARCOS 16

Share

Bix e xiꞌ tkbaꞌn Jesús cyexin: —Cyucxatzen tuj cykil twitz txꞌotxꞌ te kbalte cye xjal ja yol te coꞌpbila.

Cyxol tzunj ma tzꞌoc ke cycꞌuꞌj wiꞌj, cbineltzen techel cyuꞌn tisen ke ja lu: Tuꞌntzen wajwalela qꞌuelela cylojoꞌn biman cyiꞌ xjal, cbinel juntl acꞌaj yol cyuꞌn bix min otk tzꞌoc cyxnakꞌtzaꞌn. Bix ka ma chi cub tzꞌak tuj jun il tisenj oj cyoc txꞌaꞌn tuꞌn lbaj, bix ma chꞌinnchꞌe oj t-xiꞌ cycꞌaꞌn veneno, mintiiꞌ chi oquel iꞌkꞌen tuꞌn. Bix ka ma cub cykꞌoꞌn cykꞌab cyibaj yaab tuꞌn tul cynaabl, cꞌulel cynaabl tuꞌn tipemal Dios―tz̈i Jesús cye t-xnakꞌatz.

Alj ma tzꞌoc ebin tej yol te coꞌpbila, bix ma bautizarj te techel ka otk tzꞌoc wunak wuya, ja tzunj ccoꞌpjel tjakꞌ il. Pero alj min ma tzꞌoc ebinte, ja tzunj cwelex til twitz Dios, bix cxeꞌl tkꞌoꞌn Dios ejeeꞌ tuj kꞌakꞌ.

Yaltzen cye t-xnakꞌatz Jesús, bix exkexin te xnakꞌtzal cye xjal tiꞌj tyol Jesús tuj cykil lugar, toctzen Cyaawxin onl cyexin, bix toctzen Cyaawxin yeecꞌl cyyolxin tuya techlal nim tipemalxin.

Pero bix etz yolenkꞌa cyiꞌjxuj: —Miꞌn chi jaw seyꞌpaj cyey. Nchi jyon cyey t-xumlal Jesús aj Nazaret, jxin e jaw twitz cruz. Pero ya min-altl texin tzalu, cuma ma jaw itzꞌjxin juntl maj. ¡Cycyeꞌncꞌa! Min-alxin jaaꞌj e cwaꞌ tenxin.

Pero tej cypon canaxuj tiꞌj, toctzen cycyeꞌyenxuj jxak toc te maksbilte, yaaꞌntzen tcwaꞌtl jaaꞌj tcwaꞌ. Otk tzꞌel tolj, amale maꞌ nimet xak. Tej tzunj cyocxxuj tuj tjayel Jesús, bix oc cycyeꞌyenxuj jun kꞌa xinak kꞌuklcꞌakꞌa tej plaj te tmankꞌab tjayel Jesús, toc jun maꞌ nuꞌk t-xbalenkꞌa, tij skopanxse. Biꞌxse e jaw seyꞌpaj kej xuj xuuj.