Popular Bible Verses from Johani 4

Share

Mwari ndi Mweya, naavo vanomudira kunosisira kuti vamudire mu Mweya no mugwinyiso.”

Ngokuti nguva inoviya, nazvino yaapano, apo vadiri vo gwinyiso vanozodira Baba mu Mweya no mugwinyiso: Ngokuti Baba vanopshaka vakadaro kumudira.

Asi uwu unomwa kuno kumwa iyo yo ndinozomupa inini, aachazozwizve nyota mbhera narini, asi kumwa iyo yo ndinomupa inozoita mwimbo wo kumwa mukati mwake, wechivherukira kupona kusikaperi.”

Jesu wakapingura, akati kweriri: “Kudari waiziva iwewe, chipo cha Mwari, nokuti ndiyani uwo unokumbira kwouri, kuti: Ndipe ndimwe, iwewe waizokumbira kwaari, naye waizokupa kumwa yo kupona.”

Jesu wakati kwavari: “Kuha kwangu ngokwokuti ndiite kuda kwo uwo wakandituma, no kupeja mushando wake.”

Jimayi rakati kwaari: “Mambo, auna chimujiyo chokuchera ndicho, no mwimbo wakajika: Ndizvo kumwa yo kupona unoiwana kwapi?

Jimayi rakati kwaari: “Ndinoziva kuti Mesiya unoviya, uwo unozwi Kristu: Naapo aviya unozotibvunja zviro zvese.” Jesu wakati kweriri: “Ndini unovereketa newe.”

“Viyanyi muvone mundhu uwo wandibvunja zvese zvondakaita; uwu andiyepi here Kristu?”