Popular Bible Verses from युहन्‍ना 14

Share

मुइ तोहराके मोर सान्‍ति छाडदेबहिँ, मुइ यापन सान्‍ति तोहराके देबहिँ। संसारक देलि नहिँया मुइ तोहराके नाहिँ देबहिँ। तोहार हृदय व्‍याकुल झिन हखइ हसे तोहरा झिन डेरइह।

येसुजि वकरेके कहलसि, “पइडा, सत्‍य हसे जिवन मोहिँ हखहि। मोर बिना कुनहुँ फेनि पिता लघिना यावे नाहिँ सकतइ।

येसुजि चेलवानिके कहलसि, “तोहार हृदय दुःखित झिन हखइ। तोहरा परमेस्‍वरमा विस्‍वास करसह, मोरमा फेनि विस्‍वास करह।

बाकि सल्‍लाह देलाहर, पवितर-आत्‍मा, जकरेके पिता मोर नाउँमा पठोबसि, हुने तोहराके जम्‍मे बतवा सिखोबसि हसे मोर कहलि जम्‍मे बतवा तोहराके सम्‍झा देबसि।

मोरके प्रेम करलाहर उहे हखिय जुने मोर आग्या स्‍विकार करबिय हसे पालन करबिय। मोरके प्रेम करलहराके मोर पिता प्रेम करबसि। मुइ फेनि वकरेके प्रेम करबहिँ हसे मुइ यपनहिँके वकर लघिना परकट करबहिँ।”

मुइ पितासाङे बिन्‍ति करबहिँ हसे हुने तोहराके दोसरे सल्‍लाह देलाहर देबसि तके हुने तोहारसाङे सबदिन रहबसि। हुने सत्‍यक आत्‍मा हखसि। संसार हुनेके स्‍विकार करे नाहिँ सकबिय, केहकेकि संसार नत हुनेके देखसइ, न जनसइ। बाकि तोहरा हुनेके जनसह, केहकेकि हुने तोहारसाङे रहससि हसे हुने तोहारमा बास करबसि।

तोहरा मोर नाउँमा जथि मङबह उअ मुइ करबहिँ, ताकि पुतरमा पिताक महिमा परकट हखइ। यगर तोहरा मोर नाउँमा किहो मङबह जउँ, उअ मुइ करबहिँ।

“यगर तोहरा मोरके प्रेम करसह जउँ मोर आग्यासभ पालन करह।

मोर पिताक घरवामा बहुत रहना ठउरि बडइ। यगर ठउरि नाहिँ रहतिय जउँ, मुइ तोहराके कहतहिँ। मुइ तोहार तहिँया ठउरि तयार पारे जाइ बडहिँ।

मुइ जाके तोहार तहिँया ठउरि तयार पारके फेरि यबहिँ हसे तोहराके यापनसाङे लिगबहिँ, ताकि मुइ जहवाँ रहबहिँ तोहरा फेनि वहवाँहिँ रहिह।

थोमा येसुजिके कहलिय, “प्रभुजि, यपनहुँ कहवाँ जाइबडहुँ कहके हमार त हइने थाह बडइ, तब हमरा कस्‍के पइडा जनबहुँ?”