Popular Bible Verses from युहन्‍ना 2

Share

येसुजि गालिल छेतरक काना सहरवामा यापन इअ यचम्‍मक पहिला चिन्‍हा देखाके यापन महिमा परकट करलसि हसे हुनेक चेलवाह हुनेमा विस्‍वास करलइ।

इअ बतवा सुनके येसुजि कहलसि, “दाओ, मोरके इअ केहके कहइ बडहि। मोर काम करेके जुन यखनिलइ हइने याइल बडइ।”

येसुजि बहरियावानिके कहलसि, “इअ जम्‍मे कुडवाहमा पानि भरह।” तब हुनुका उअ जम्‍मे कुडवानिक मुहवालइ पानि भरदेलइ। तब येसुजि हुनुकाके कहलसि, “याबे इचिका निकडाके भोजवाक मुखियावाक लघिना लिगह।” हुनेक कहलि नहिँया हुनुका करलइ।

येसुजि हुनुकाके जवाफ देते कहलसि, “इअ मन्‍दिरवाके भस्‍का देह हसे मुइ यकरेके तिन दिनमा फेरि बनादेबहिँ।”

तब येसुजि डोरहियाक एगुडा कोडा बनाके जम्‍मे मन्‍सावानिके, हुनुकर भेडवा हसे गोरुवानिके फेनि मन्‍दिरवासे खेदलसि। हुने पइसावा सटलाहरानिक पइसावा छिटदेलसि हसे हुनुकर टेबुलवा फेनि उल्‍टादेलसि। हुने घुटुरिया बेचलाहरानिके कहलसि, “इअ जम्‍मे चिजुवा यहवाँसे लिगह! मोर पिताक घरवाके तोहरा व्‍यपार करना घर झिन बनोह!”