Popular Bible Verses from मरकुस 4

Share

तब येसुजि उठलसि हसे धुधुइ-बयरवाके डटते कहलसि, “सान्‍त हख! रोकाहि!” तखनहिँ धुधुइ-बयार रोकेलइ हसे जम्‍मे सान्‍त भेलइ। तब येसुजि चेलवानिके कहलसि, “तोहरा केहके यसके डेराइ बडह? कथि तोहार विस्‍वास हइने बडइ?”

हुनुका इअ देखके खाँ डेरेलइ हसे एक-दोसरि जनसाङे यसके कहे लगलइ, “इअ कुन मन्‍से हखिय त? धुधुइ-बयार फेनि यकर आग्‍या मनसइ।”

तखनहिँ येसुजि डोङवाक पाछावरि सिरहनि लेके सुतल रहलसि। तब चेलवाह हुनेके उठोते यसके कहलइ, “गुरुजि, हमरा त डुबे लगलहुँ! कथि यपनहुँक वस्‍ता हइने बडइ?”

येसुजि हुनुकाके यसके कहलसि, “मोर बतवामा ध्‍यान दिह! तोहरा जतुरा ध्‍यान देबह उतुरे बहुत बुझे सकबह हसे झन याको बुझेके सक्‍ति पउबह।

वकरपाछा येसुजि कहलसि, “परमेस्‍वरक राज यसनुक हखइ। कुनहुँ एक जन मन्‍से यापन बरियामा बिया छिटसिय, हसे उअ मन्‍सावा राति सुतले फेनि तके उठके दिन भर जगले फेनि उअ बियवा जामके यपनहिँ बढसइ। बाकि इअ कस्‍के भेलइ कहके वकर थाह हइने रहसइ।

जाकर कान बडइ, उअ सुनिय!”