Popular Bible Verses from मत्‍ति 5

Share

याॽमिजिडे़ॽ कुप्‍पि उःप्‍नुङ पाथिडे़ॽ टे़गुजिनि, बोरु चोपमि लागि उज्‍यालो लिरो लुनुङ अग्‍लोमा ठाउँबेॽ युङ्‌इन्‍डुजे। इडोॽ हे़निङ्‌मि जोति चोपमि पोम्‍बेॽ खाङ्‌मुये मोबा हे़निङे़ॽ ले़ःॽपॽआ नुबा योम्‍बोक चोबे़ॽ खाङ्‌इन्‍डुजेनुङ थाङ्‌सिरिबेॽ पेङ्‌खुबा निवाहाङ्‌मि ओहाङ ले़न्‍डुजे।

“हे़निङ्‌गो इगो मक्‍खाम्‍डेममि जोति ले़न्‍डानिङे। टोक्‍टोक्‍मे़ॽटुए सहर कुम्‍हेनिबा।

चोखो निवा खिघुबाजि आसिसित ले़म्‍मे, इन्‍ढोङ्‌होङ खोजिडे़ॽ निवाहाङ खाङ्‌डोइन्‍डुजे।

धारमिक योम्‍बोक ले़ःॽमा मिॽखुबानुङ मोमि वाइॽमे़ॽ सिघुबाजि आसिसित ले़म्‍मे, इन्‍ढोङ्‌होङ खोजिडे़ॽ उक्‍खारो चोडोक्‍इन्‍डुजे।

तर के़ॽ चाहिँ हे़निङ इडोॽ लुनिम्‍ने़, टाङ्‌बामि सतुरजि नम्‍नम ले़टानुमे, हे़निङ चुङ्‌जाखुबामि लागि पारथना ले़टानुमे।

“निवाहाङ्‌मि पोम्‍बेॽ टाङ्‌बा इमाङ्‌सो ने़ॽनिबा मिॽखुबाजिडे़ॽ आसिस चुप्‍मिन्‍डुजे, इन्‍ढोङ्‌होङ निवाहाङ्‌मि राज्‍य खोजिमिन्‍नोॽ ले़ये।

चोप याॽमिजिनुङ टोङ्‌जाखुबाजिडे़ॽ आसिस चुप्‍मिन्‍डुजे, इन्‍ढोङ्‌होङ खोजि निवाहाङ्‌मि पसाजि लुनुङ याॽमिजिडे़ॽ लेन्‍डुजे।

सोक ले़ःॽखुबाजिडे़ॽ आसिस चुप्‍मिन्‍डुजे, इन्‍ढोङ्‌होङ निवाहाङ्‌डे़ॽ खोजि निवाबेॽ सान्‍तिनुङ सहास पिन्‍डुजे।

धरमि लिनुङ हिङ्‌माबेॽ याॽमिजिबाङ चुङ्‌जामा खेः आङ्‌खुबाजिडे़ॽ आसिस चुप्‍मिन्‍डुजे, इन्‍ढोङ्‌होङ थाङ्‌सिरिमि राज्‍य खोजिमिन्‍नोॽ ले़ये।

नम्‍नावा ले़ःॽखुबाजि आसिसित ले़म्‍मे, इन्‍ढोङ्‌होङ खोजिडे़ॽसो नम्‍नावा चुप्‍मिन्‍डुजे।

“हे़निङ याॽमिजिडे़ॽ सिःक्‍चामिहोङ, चुङ्‌जामिहोङ, हे़निङ मे़ःॽनोॽहा आप्‍टिक टिमिहोङ साप्‍थक्‍सानिङे। मोडोक्‍पेॽ हाङ्‌हाङ ले़टानिङे, साप्‍थक्‍सानिङे, इन्‍ढोङ्‌होङ थाङ्‌सिरिॽटु हे़निङ्‌मि लागि बेॽए इनाम टुहा। इन्‍ढोङ्‌होङ इडोक्‍नोॽ हे़निङ्‌बाङ याक्‍लोहा अगमबक्‍ताजिसो याॽमिजिडे़ॽ चुङ्‌जोसुजे।

ए़डे़म्‍मा लिघुबाजिडे़ॽ आसिस चुप्‍मिन्‍डुजे, इन्‍ढोङ्‌होङ मक्‍खाम्‍डेमनुङ मोबेॽहा चोप थोकबेॽ अधिकार चुप्‍मिन्‍डुजे।

“हे़निङ मक्‍खाम्‍डेमबेॽहा युम ले़न्‍डानिङे, तर युममि युम लुये मे़खे़ॽहोङ फेरि इमाङेॽटे युम लुये टोङ्‌मे ? मो युमगो राप्‍खे़ये मोबा याॽमिजिमि सराङ्‌डे़ॽ सिॽइन्‍डुजे।

मोडोगे़ॽ थाङ्‌सिरिबेॽ पेङ्‌खुबा हे़निङ्‌मि निवाहाङ पाबा चोप थोकबेॽ परिपक्‍का लिडिडोॽ, हे़निङ्‌सो आक्‍टोॽनोॽ लिसानिङे।”

हे़निङे़ॽ लुमे खा चाहिँ, ‘इँहिॽऐ’ होङ, ‘इँहिॽऐ’ लुसानुमे ‘ने़ॽनि’ होङ ‘ने़ॽनि’ लुसानुमे। इगोबाङ बेॽलो खा लुमा चाहिँ मङे़ॽमा चापबाङ लेङ्‌इये।

“निवाहाङ्‌मि आग्‍याबेॽ इडोक लुबॽआसो हे़निङे़ॽ खेम्‍इटानुमे, मिकमि साटो मिक, के़ङ्‌मि साटो के़ङ, तर के़ॽ हे़निङ लुनिम्‍ने़, हे़निङ मङे़ॽमा बेबहार ले़ःॽखुबा असासो हे़निङे़ॽ मङे़ॽमा बेबहार ए़ले़टानुमे। याॽमिडे़ॽ हे़ने़ए़ चुप्‍थिङ नाम्‍दाङ्‌बेॽ फे़ःक्‍मिहोङ, हाइको नाम्‍दाङ्‌सो टाप्‍पेॽमे।

हे़ने़ए़ चुप्‍थिङ मिगे़ॽ हे़न पाप ले़ःॽमाराप्‍मिहोङ मो मिक चाङ्‌नुङ राप्‍पेसे। मोसे़ॽ ले़ःॽमे़ॽ हे़ने़ए़ हिङा खेःलोकपेॽ सिॽमाहोङ्‌गो मो मिक राप्‍पेमानोॽ चुये। मोडोक्‍नोॽ हे़ने़ए़ चुप्‍थिङ हुगे़ॽ हे़न पाप ले़ःॽमेयेहोङ मो हुक चेन्‍नुङ राप्‍पेसे। मोसे़ॽ ले़ःॽमे़ॽ हे़ने़ए़ हिङानोॽ खेःलोकपेॽ सिॽइयेहोङ्‌गो मो हुक राप्‍पेमानोॽ चुये।